Замира Хожаназарова - Тууылған жер қосығы _ Zamira Xojanazarova Tuwılğan jer qosığı made by QQbyAI

Описание: Оригинал қосықты:
Қосықты жазған: Қарақалпағыстан халық шайыры - Улмамбет Хожаназаров
Қосықты атқарған: Замира Хожаназарова
Музыкант : Кеңесбай Абдуллаев
Бул инсанларға мың алғыс, Алла өзи жарлықасын!!!
_______________________________________

ҚАРАҚАЛПАҚ ҚОСЫҚШЫЛЫҚ ӨНЕРИНИҢ ЖАРҚЫН ЖУЛДЫЗЫ – ЗАМИРА ХОЖАНАЗАРОВА (1960-1990 жж.) ҳаққында.

Замира Хожаназарова 1960-жылы Нөкис қаласында туўылған. Ол орта мектепти тамамлағаннан соң Ташкент қаласындағы Театр ҳәм көркем өнер институтында оқыды. Институтты табыслы питкергеннен соң ол өзиниң мийнет жолын Бердақ атындағы Мәмлекетлик филармонияда қосықшы болыўдан баслады. Соңынан эстрадалық-хореографиялық «Қырқ-қыз» ансамблинде қосықшылық өнерин даўам етти.

Замира Хожаназарова 1986-жылдан баслап өмириниң ақырына шекем ҚҚАССР телевидение ҳәм радио еситтириў бойынша Мәмлекетлик Комитетинде «Халық сазлары” оркестринде қосықшы болып жумыс иследи. Ол еле студент ўақтында-ақ Қарақалпақстан АССРының Татарстандағы мәденияты күнлеринде қатнасқан. Ол сондай-ақ, Дағыстан АССРында ҳәм Ташкент қаласында өткерилген Қарақалпақстан Мәденияты күнлеринде қатнасып, өзиниң сөнбес таланты менен танылған.

Ансамбль менен бирге Россия (РСФСР)ның бир неше қалаларында, Украина, Белоруссия Республикаларында гастрольларда болған.

Замира Хожаназарова Қарақалпақ миллий көркем өнерине өзиниң айырықша лапызы менен араласты. Ол өзиниң атқарған Халық қосықлары, эстрадалық ҳәм басқа тиллерде атқарған қосықлары менен халқымыздың белгили қосықшысына айланды, әсиресе, сол дәўирдиң жаслары оның қосықларын сүйип тыңлады.

Оның атқарыўындағы ең белгили қосықлар: «Бармекен», «Шағалалар», «Жаслығым” атлы қосықлары.

Өзиниң искерлиги даўамында ерискен жетискенликлери ушын Замира Хожаназарова Қарақалпақстан Комсомол сыйлығының лауреаты болды. Ол ҚҚАССР Жоқарғы Совети Президиумының Ҳүрмет Грамотасы менен сыйлықланған.

Замира Хожаназарова 1990-жылы қайтыс болған.

Елимиздиң сүйикли эстрада жулдызы болған Замира Хожаназарованың жарқын естелиги мәңги ядымызда сақланады. Руўҳы шад болғай.



Қосық тексти:

Ойнап өсип арасында ақталдың
Жағасында сүрегискен жаплардың
Кеулим ашып қуяшыңа тапландым
Сен тағдирим ауел бастан тууған жер

Бәхар келсе, бәхариңди жырладым
Айлы түнде теңизиңди тыңладым
Бул кеулимниң арзыу халын сырларын
Ким тусинер сеннен басқа тууған жер

Алыс кетсем сағынышым қыйнаған
Қууанышым көкирегиме сыймаған
Анам яңлы жалғыз улын қыймаған
Мен сени қый-майман һасла тууған жер

Бәхар келсе, бәхариңди жырладым
Айлы түнде теңизиңди тыңладым
Бул кеулимниң арзыу халын сырларын
Ким тусинер сеннен басқа тууған жер