10. Die ware Josua | Geloofslesse Uit Josua Se Lewe

Описание: Die Woord in Diepte met Andre en Rebecca Joubert

““Dit het met daardie mense as voorbeeld gebeur, en is as waarskuwing neergeskryf vir ons wat in die eindtyd verkeer” (1 Korintiërs 10:11, AFR20).

In Josua word ‘n mens daarvan bewus dat die lewe van die hoofkarakter in hierdie boek op ’n aansienlik groter werklikhheid as sy eie dui. Hierdie beginsel bespeur mens deurgaans in die Skrif, soos die land Kanaän wat eintlik die groot hoop op ’n nuwe aarde versinnebeeld. Die aardse heiligdomdienste dui natuurlik ook op ’n groter werklikheid: “Maar Christus het gekom om Hoëpriester te wees en Hy laat goeie dinge gebeur. Hy het deur die groter en beter tabernakel gegaan. Dit is nie mense wat hierdie tabernakeltent gebou het nie, dit is God, en hierdie tabernakeltent is ook nie in hierdie wêreld nie” (Heb. 9:11, ABA).

Die vraag ontstaan dus: op watter wyse dui Josua op ’n toekomstige vervulling? Hoe weet ons vir seker dat so ’n uitleg geldig is? Watter Bybelbeginsels bepaal dat mens die boek Josua met Nuwe-Testamentiese werklikhede en met eindtydgebeure kan verbind?

Hierdie week bekyk ons die beginsels van Bybelse hermenieutiek (oftewel Bybeluitleg) wat met tipologie te make het. Ons gaan kyk hoe die Bybel op sigself vir ons aanduidings gee dat sulke tipes en antitipes [of skadubeelde wat op volmaakte beelde wys] wel ter sprake gekom het. Ons sien ook hoedat Josua se lewe op die Messiaanse bediening vooruitwys; en dat dit boonop op simbole dui wat reeds in die kerkgeskiedenis vervul is, asook op dié wat met die volvoering van die wêreldgeskiedenis te make het.