ရခိုင်၊ ရှမ်း၊ စစ်ကိုင်း၊ မန္တလေးနဲ့ မကွေး မှတ်ပုံတင်တွေ ခရီးသွားခွင့် ကန့်သတ်ခံရ (ရုပ်/သံ)

Описание: စစ်ပဋိပက္ခဖြစ်ပွားနေတဲ့ ဒေသတွေ၊ တော်လှန်ရေးအင်အားစု အားကောင်းရာ ဒေသတွေက ပြည်သူတွေအနေနဲ့ ပြည်တွင်းခရီးသွားလာမယ်ဆိုရင် ရပ်ကွက်နဲ့ ရဲစခန်းထောက်ခံစာ လိုအပ်ပြီး၊ ထောက်ခံစာမပါသူတွေကို အဝေးပြေးကားလက်မှတ် မရောင်းပေးဘူးလို့ ယာဉ်လိုင်းလက်မှတ် အရောင်းဌာနတွေက ပြောလာပါတယ်။

၁၁/ မှတ်ပုံတင်ကိုင်ဆောင်ထားတဲ့ ရခိုင်ပြည်နယ်ဒေသခံတွေ၊ ၁၃/ မှတ်ပုံတင် ကိုင်ဆောင်သူတွေထဲက ကျောက်မဲ၊ လားရှိုး၊ နမ္မတူ၊ သီပေါ၊ ကုန်းကြမ်းမြို့နယ်ဒေသခံတွေ၊ ၉/ မှတ်ပုံတင်ကိုင်ဆောင်သူတွေထဲက မိုးကုတ်မြို့ဒေသခံတွေ၊ ၅/ မှတ်ပုံတင်ကိုင်ဆောင်သူတွေထဲက မုံရွာ၊ မြောင်၊ ရွှေဘိုမြို့နယ်ဒေသခံတွေ၊ နဲ့ ၈/ မှတ်ပုံတင်ကိုင်ဆောင်သူတွေထဲက မကွေးမြို့နယ်ဒေသခံတွေဟာ ခရီးသွားမယ်ဆိုရင် ထောက်ခံစာကို တပတ်ကြိုတင် ယူထားရမယ်လို့ ပြောပါတယ်။

ဒီလို ကန့်သတ်လိုက်ရတာက သတ်မှတ်မှတ်ပုံတင်ကိုင်ဆောင်ထားသူတွေ ထောက်ခံစာမပါဘဲ ခရီးသွားတဲ့အခါ လမ်းခရီးက စစ်တပ် စစ်ဆေးရေး ဂိတ်တွေမှာ စစ်မေးခံရလေ့ရှိပြီး ငွေကြေးတောင်းခံမှုတွေကြုံရတဲ့အခါ ယာဉ်လိုင်းဘက်ကပါ ဝင်ရောက်ဖြေရှင်းပေးရလေ့ရှိတာကြောင့်လို့ လက်မှတ်ရောင်းချသူတွေက ရှင်းပြပါတယ်။

#မြန်မာ #ဧရာဝတီ #ရခိုင် #မန္တလေး #မကွေး #စစ်ကိုင်း #ရှမ်း #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy