Khit Thit Evening News | February 2, 2026

Описание: Khit Thit သတင်းဌာန၏ ဖေဖော်ဝါရီ ၂ ရက် ညနေပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဖေဖော်ဝါရီ ၂ ရက် ရက် ညနေပိုင်း တင်ဆက်ပေးမယ့် သတင်းတွေကတော့

အကြမ်းဖက် စစ်တပ်က သူတို့လုပ်တဲ့အတုအယောင် ရွေးကောက်ပွဲအပြီး အစိုးရသစ်ဆီ လွှဲပြောင်းဖို့ဆိုပြီး ဖေဖော်ဝါရီလ ၂၈ ရက်နေ့ နောက်ဆုံးထားပြီးတော့ ဝန်ကြီးဌာနတွေအလိုက် ငွေစာရင်းတွေ ၊ မရွှေ့ပြောင်းနိုင်တဲ့ ပစ္စည်းစာရင်းတွေ နဲ့ ပိုင်ဆိုင်မှုအရပ်ရပ်စာရင်းတွေကို အမြန်ပြုစုတင်ပြခိုင်းနေပြန်တယ်လို့ နေပြည်တော် စစ်တပ်သတင်းရင်းမြစ်က ရန်ကုန်ခေတ်သစ်ကို ပြောပါတယ်။

မြန်မာနိုင်ငံမှာ စစ်တပ်ကလုပ်တဲ့ ရွေးကောက်ပွဲကြောင့်ပဲ လူ့အခွင့်အရေးကို ချိုးဖောက်မှုတွေနဲ့ အကြမ်းဖက်မှုတွေသာ ပိုမိုဆိုးရွားလာတယ်လို့ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး Volker Türk က ဝေဖန်ရှုတ်ချပြောဆိုလိုက်ပြန်ပါတယ်။

-လက်ရှိ စစ်တပ်က ထိန်းချုပ်ထားတဲ့ မန္တလေးမြို့ပေါ်မှာပဲ လုယက်မှုတွေ ၊ ရွှေဆိုင်ဓါးမြတိုက်တိုက် မှုတွေ ဟာလည်း စစ်တပ်လက်အောက်ခံ ပျူစောထီးအဖွဲ့တွေကိုယ်တိုင်ကပါ ကျူးလွန်မှုတွေ ဖြစ်နေရာမှာ ၊ အခုဖေဖော်ဝါရီလ ၁ ရက်နေ့ဖြစ်တဲ့ မနေ့က ည ၈ နာရီလောက်မှာလည်း မန္တလေး မြို့ပေါ်မှာတင် အမျိုးသမီး ၁ ဦးရဲ့ ဆိုင်ကယ်ကို လုယက်မှုဖြစ်တဲ့အပြင် သေနတ်နဲ့ပါ ပစ်ခတ်မှု ဖြစ်ပွားခဲ့ပါတယ်။

-ဈေးပေါတဲ့ တရုတ်ကုန်ပစ္စည်းတွေ အလုံးအရင်းဝင်ရောက်လာမှုကြောင့် လက်တင် အမေရိကနိုင်ငံ တွေမှာ ပြည်တွင်းဖြစ် စက်မှုလုပ်ငန်းတွေကို အကြီးအကျယ်ကာကွယ်နေရတဲ့ သတင်းအပါအဝင် ရန်ကုန်ခေတ်သစ်ရဲ့ နောက်ဆုံးရသတင်းတွေကို တင်ဆက်ပေးပါမယ်။