Top News - Putin zgjoi ‘gjigantin e fjetur’...Polonia në radhë, ka ushtrinë më të madhe në Evropë

Описание: Polonia po ndërton ushtrinë më të fuqishme të Evropës në një sfidë të drejtpërdrejtë ndaj Vladimir Putinit, ndërsa vendi përgatitet për luftë. Kryeministri Donald Tusk u zotua të modernizojë ushtrinë e vendit që ka tashmë një buxhet prej 35 miliardë dollarësh, pas hyrjes së qëllimshme të dronëve rusë në hapësirën e saj ajrore, në fillim të kësaj jave. Në një fjalim para trupave në një bazë ajrore në qytetin qendror të Laskut, ai tha se Polonia do të marrë avionët e saj të parë luftarakë F-35 nga SHBA vitin e ardhshëm. Do të jetë dorëzimi i parë i një serie prej 32 avionësh që pritet të mbërrijnë në vend deri në vitin 2030.
Që nga viti 2022, Polonia ka blerë me "qindra" tanke, obusë dhe sisteme raketash, duke u bërë një nga fuqitë më të mëdha ushtarake të NATO-s. Ka një vlerë prej rreth 60 miliardë dollarësh pajisje të blera nga SHBA-të, duke përfshirë 96 helikopterë. Vetëm vitin e kaluar, vendi i dedikoi NATO-s mbi 4 përqind të Produktit të brendshëm bruto dhe rriti shpenzimet ushtarake në 35 miliardë dollarë. Tani Polonia është një nga kontribuesit më të mëdhenj në NATO, duke lënë pas madje me diferencë edhe Britaninë e Madhe. Kryeministri Tusk ka zbuluar planet për të fortifikuar kufirin lindor në një program që është konsideruar si një nga investimet më të rëndësishme të vendit në sigurinë kombëtare që nga Lufta e Dytë Botërore. Iniciativa e stërmadhe, e njohur si Mburoja Lindore do të sigurojë kufijtë e Polonisë me Bjellorusinë dhe Kaliningradin e Rusisë. Dhe kjo nuk është e gjitha. Vitin e kaluar, Polonia iu bashkua një skeme për të krijuar një sistem të avancuar të mbrojtjes ajrore që do të mbulojë të gjithë kontinentin, shumë i ngjashëm me Kupolën e Hekurt të Izraelit. Propagandistët rusë ndërkohë shpesh janë mburrur se Polonia është e radhës në listën e zezë të Putinit, pas Ukrainës.
"Rusia sulmon nëse sheh një pikë të dobët", tha ministri polak i mbrojtjes vitin e kaluar. "Nuk do të ketë një vend më të fortë në Evropë se Polonia kur bëhet fjalë për artileri dhe trupa të blinduara. "Ne do të kemi ushtrinë tokësore më të fortë nga të gjitha shtetet evropiane të NATO-s."


Pamje:AFP


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Ushtria#Poloni