Top Channel/ PS mbron funksionarët nga pezullimi, Rama firmos ndryshimet ligjore

Описание: Edi Rama ngjiti shkallët e Kryesisë së Kuvendit, për tju bashkuar mbledhjes të grupit parlamentar socialist, pasi më parë kishte hedhur firmën bashkë me Taulant Ballën dhe Ulsi Manjën për të ndryshuar nenin 242 të Kodit të Procedurës Penale, në të njëjtën formë, siç edhe e paralajmëroi Top Channel të Martën e shkuar.

Ky është propozimi për një shtesë të nenit 242 i cili parashikon pezullimin nga detyra të një zyrtari shtetëror.

“Kjo masë nuk zbatohet ndaj personave të zgjedhur sipas ligjit elektoral, Presidentit të Republikës, Avokatit të Popullit, Kryeministrit, zëvendëskryeministrit dhe ministrave, anëtarëve të Gjykatës Kushtetuese dhe Kryetarit të Kontrollit të Lartë të Shtetit”.

Kryeministri Edi Rama e argumentoi nevojën e këtij ndryshimi pasi sipas tij boshllëku është në trutë e atyre që nuk i dhanë drejtim bazuar në frymën e Kushtetutës.

“Çfarë bën mos vendimi? Mos vendimi bën që çdonjëra nga ato figura që u përmenden në relacion, të jetë vulnerabël ndaj pezullimit dhe nga ana tjetër, që kufiri ndarës midis pushteteve të jetë si ato gardhet me një vrimë ku hyjnë e dalin qentë e minjtë. Këtë bën kjo. Dhe ne këtë nuk mund ta lejojmë.

Për Belinda Ballukun të pezulluarën nga detyra me vendim të GJKKO kryeministri Edi Rama tregoi refuzimin e tij pasi i kishte paraqitur disa herë dorëheqjen.

Belinda Balluku ma ka dorëzuar tre herë dorëheqjen. I kam atje në dosje, tre herë, një herë kur iu ngrit akuza, herën e dytë, kur iu bë pezullimi i parë dhe herën e tretë, mbasi Gjykata Kushtetuese nuk mori vendim, dhe të tre herët jam unë që e kam refuzuar dorëheqjen sepse dorëheqje nën presionin e një fuqie që ka dalë nga territori i vet dhe është futur në territorin e pavarësisë së pushtetit ekzekutiv nuk ka dhe jam falënderues për faktin që nuk ka persistuar po ka vazhduar ta marrë gjithë atë baltë mbi fytyrë, sepse unë nuk e pranoj dorëheqjen deri kur të plotësohen kushtet dhe se kur plotësohen kushtet, nuk e përcakton dot as prokurori, as gjykatësi i seancës paraprake, as media dhe as gjyqi popullor

Ulsi Manja kryetar i komisionit të ligjeve solli argumentat se përse ky ndryshim ku ka asnjë efekt në punën hetimore ndaj zyrtarëve të shtetit.

Ndërsa bashkë iniciatori këtij ndryshimi Taulant Balla renditi garancitë e mos prekjes të sistetimit të drejtësisë.

Ky projekt ligj do ti shkojë kuvendit pasi të jetë diskutuar në komisionet parlamentare.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#EdiRama#PS#TopChannelNews