O‘QITUVCHI VA MURABBIYLARGA HURMAT – EHTIROM KO‘RSATILDI

Описание: #Zomin_tumani

O‘QITUVCHI VA MURABBIYLARGA HURMAT – EHTIROM KO‘RSATILDI

Bugun Muhtaram Prezidentimiz Shavkat Mirziyoyevning videoselektor tartibida o‘qituvchi va murabbiylar bilan muloqoti bo‘lib o‘tdi. Muloqot davomida ta’lim-tarbiya sifatini yanada oshirish, o‘quv jarayonlarini samarali tashkil etish hamda o‘qituvchi va murabbiylarni qo‘llab-quvvatlash mexanizmlari batafsil muhokama qilindi. Davlatimiz rahbari pedagoglarning mehnati, ular oldida turgan mas’uliyat va xalqimizning kelajagi uchun qilayotgan hissalariga alohida e’tibor qaratdi.

Zomin tuman hokimligi tashabbusi bilan videomuloqotdan so‘ng “Mironshoh” tantanalar majmuasida o‘qituvchi va murabbiylarga hurmat-ehtirom ko‘rsatildi. Tadbirda dasturxon yozilib, pedagoglar bilan samimiy suhbatlar o‘tkazildi, ularning ishlari yuqori baholandi.

Tadbirda Zomin tuman hokimi Alisher Abdug’aniyev ishtirok etib, o‘qituvchi va murabbiylarni tabrikladi, ularning mashaqqatli va sharafli mehnatiga e’tibor qaratdi, kasbiy faoliyatida yanada ulkan muvaffaqiyatlar tiladi. Shuningdek, tumanda samarali ishlagan, ta’lim sifatini oshirishga o‘z hissasini qo‘shgan bir guruh fidoyi ustozlarga tuman hokimligining tashakkurnomasi va esdalik sovg‘alari topshirildi.

Ushbu tadbir o‘qituvchi va murabbiylarning jamiyatdagi o‘rni va ahamiyatini yanada mustahkamlashga, ularni qo‘llab-quvvatlashga qaratilgan muhim qadamlardan biri bo‘ldi.