Huquqni muhofaza qilish akademiyasi faoliyatining innovatsion o‘quv kurslari

Описание: Ҳуқуқни муҳофаза қилиш академияси ҳуқуқни муҳофаза қилиш фаолиятининг долзарб йўналишлари бўйича инновацион ўқув курслари ва дастурларини ишлаб чиқиш ҳамда амалиётга жорий этиш бўйича изчил фаолият олиб бормоқда.

Курслар мавзуси ҳуқуқни қўллаш амалиёти соҳасидаги долзарб муаммоларни қамраб олади ва тингловчиларнинг қайта алоқа механизмларини қўллаган ҳолда аниқланган таълим эҳтиёжлари асосида шакллантирилади.

Академиянинг ахборот-таълим портали негизида «Энергетик ресурслар, прокурорлик назорати, муаммолар ва ечимлар» мавзусида навбатдаги инновацион электив курс бошланди.

Курс дастури тингловчиларнинг ёқилғи-энергетика ресурсларидан фойдаланиш соҳасида қонунчиликка риоя этилиши ва унинг ижроси устидан прокурорлик назоратини амалга ошириш, энергетик ресурсларни тежаш ва оқилона фойдаланишнинг замонавий усуллари, соҳадаги тизимли муаммолар ҳамда уларнинг ечимлари борасидаги билим ва кўникмаларини такомиллаштиришга қаратилган.