Edicioni i Lajmeve Tv Klan 1 Mars 2026, ora

Описание: Lajme, #edicioniinformativ ora 19:30, 1 Mars 2026 #TvKlan #klanlajme

Spiker: Reis Çiço

Headlines

Shkarkohet Ilir Proda, në krye të Policisë së Shtetit komandohet zëvendësi Sokol Bizhga

Shkarkohet nga detyra Drejtori i Përgjithshëm i Policisë së Shtetit, Ilir Proda. Vendimi vjen pas incidenteve në protestën e opozitës, ku u hodhën molotovë edhe ndaj “Vilës 31”, duke rrezikuar jetën e qytetarëve. Në vend të tij komandohet zëvendësi, Sokol Bizhga.

Rama: sulmi ndaj “Vilës 31” për të njollosur Shqipërinë, Berisha: marshim epik

Kryeministri Rama thotë se sulmi ndaj “Vilës 31”, që rrezikoi jetën e artistëve, është akt i verbër për të njollosur Shqipërinë. Berisha e quan protestën marshim epik ndaj regjimit. Policia arrestoi katër persona si përgjegjës për aktet e dhunës.

Rama: ndryshimet në qeveri të parapara, Ballukun nuk do ta largoja për punën

Kryeministri Edi Rama shprehet se ndryshimet në kabinet kanë qenë të parapara dhe pjesë e një vizioni të ri qeverisës. Ai thotë se zëvendëskryeministrja Belinda Balluku nuk do të ishte larguar për shkak të rezultateve të jashtëzakonshme në punë.

Ajatollah Ali Khamenei ka vdekur, Irani shpall 40 ditë zie për liderin suprem dhe bashkëpunëtorët e tij

Lideri suprem i Iranit, Ajatollah Ali Khamenei, ka mbetur i vrarë gjatë sulmeve të së shtunës, të ndërmarra nga SHBA dhe Izraeli. Lajmin e konfirmuan autoritetet iraniane, të cilat shpallën në nder të tij 40 ditë zie kombëtare.

Lindja e Mesme në flakë, Irani sulmon aleatët e SHBA-së, raketat arrijnë deri në Qipro

Vrasja e liderit suprem të Iranit e ka futur gjithë Lindjen e Mesme në flakë. Teherani sulmoi aleatët amerikanë në rajon, teksa raketat kanë arritur deri në Qipro. Izraeli dhe Shtetet e Bashkuara godasin baza ushtarake dhe rezidenca iraniane.

Ndryshojnë rregullat e futbollit, IFAB: s’duhet humbur kohë te rivënia anësore apo fundore

Bordi Ndërkombëtar i Shoqatave të Futbollit miratoi rregulla të reja që synojnë ta bëjnë lojën më të shpejtë. Rivëniet fundore dhe ato anësore duhet të ekzekutohen brenda pak sekondash; në të kundërt, topi do t’i kalojë kundërshtarit.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/