Torgdag - Fitjar, 29 august 1992
Автор: ResserArkivet
Загружено: 2021-08-27
Просмотров: 4571
Описание:
Laurdag 29. august 1992 vart det for fyrste gong arrangert Torgdag i Fitjar, ei tidsreise tilbake til "gamle dagar".
Dette var i regi av Fitjar Bygdeungdomslag, som hadde laga eit tettpakka program.
Arrangementet vart opna med salutt frå kaien, der mange gamle og flotte båtar hadde lagt til.
Så kom postbåten sigande, med poststyrar Jakob Storås, Helge Søreide og Trond Helge Søreide om bord. Førstnemnde gav ein blås i posthornet, for å la Fitjarbuen vete at posten var komen.
Båten la til ved Tollakskaien og postsekken vart lempa på land, så innbyggjarane kunne ta i mot posten, som altså kom sjøvegen frå Bergen før i tida.
Karin Korsvik og Solveig Helland tok i mot posten, før dei sat seg i ei stolkjerre, som skulle trekkjast av kaldblodstravaren "Minibeist" heilt til Koløy.
På torget var det sjølvsagt sal av varer, og demonstrasjon av ulike typar handverk.
Det var og tilbod for dei yngste å bli med hest og kjerre, då dei kunne sitte i ei over 100 år gamal møkakjerre.
Til slutt var det konkurranse i potetspading. Her var det 4 lag med, frå Øvrebygda, Huglo, Skumsnes og Fitjar. Dommarane Bengt Martin Olsen, Annemor Jåstad og Ola T. Fitjar gav poeng for arbeidsteknikk, antrekk, arbeidsreiskapar, og handsaming.
"Heimelaget" frå Fitjar sentrum tok seg ein god pause undervegs, då dei hadde med eiga mat-tine, og kosa seg med kvardagslefse og mjølk frå glassflaske.
Vinnarane vart til slutt laget frå Skumsnes, beståande av Bjørn, Ingolf, Kristian og Sveinung Skumsnes, og dei vann ei potetgrep i sølv.
Повторяем попытку...
Доступные форматы для скачивания:
Скачать видео
-
Информация по загрузке: