Skipstrafikk i Langenuen 1992-1999 - "SS Norway", "MS Venus", "MS Bergen", "MS Color Viking" m.fl.

Описание: Ei samling med videopptak av ulike båtar som passerte gjennom Langenuen mellom 1992 og 1999.
Alle klipp filma frå Stord av Tor Resser.

Blant skipa som dukker opp er:

MS Venus:
Bygd i 1974 ved Wärtsilä i Turku, Finland, og levert til Sessan Line, seinare Stena Line, som "Prinsessan Birgitta". Opererte på slutten av 80-talet som "Scandinavia" for Sealink British Ferries, før den vart seld til Norway Line i 1989. Fekk namnet "Venus" og gjekk mellom Bergen, Stavanger og Newcastle for Color Line frå 1990 til 1994, då den vart seld til DFDS Seaways og fekk namnet "King of Scandinavia". Mellom 2002 og 2008 gjekk båten i Tyrkia som "Cesme" for Marmara Lines. I skrivande stund i drift i Middelhavet som "MF Prince" for European Seaways.

Statsraad Lehmkuhl:
Bygd i Tyskland i 1914 og levert som skuleskipet "Grossherzog Friedrich August" for den tyske handelsflåten. Henta til Bergen i 1923 etter initiativ frå tidligare arbeidsminister og direktør i Det Bergenske Dampskibsselskab, Kristofer Lehmkuhl. I drift for Institusjonen Bergens Skoleskib fram til1966, då den bergenske skipsreiaren Hilmar Reksten kjøpte skipet til bruk i hans skipsflåte fram til 1978. Overført den private Stiftelsen Statsraad Lehmkuhl, som driv skipet den dag i dag.

MS Bergen:
Levert av Fosen Mek. Verksted i 1993 som "Bergen", til Rutelaget Askøy-Bergen A/S. Kjøpt av Fjord Line i1995 og gjekk mange år mellom Bergen og Hirtshals, Danmark. Fekk i 2003 nytt namn "Duchess of Scandinavia", og heitte seinare "Atlantic Traveller" (2005) og "Bergensfjord" (2008), før den skifta namn til "Oslofjord" i 2014. Framleis i drift for Fjord Line Danmark i skrivande stund.

MS Color Viking / MS Jupiter:
Bygd i Nantes, Frankrike i 1975 og levert som "Wellamo" til Finska Ångfartygs A/B. Seld til DFDS Seaways i 1981 og fekk namnet "Dana Gloria", før namnet vart endra til "King of Scandinavia" i 1989.
Kjøpt av Color Line i 1994 og fekk namnet "Color Viking". Satt inn på ruta Bergen - Stavanger - Newcastle, ei rute den held fram med etter den vart overtatt av Fjord Line og omdøypt til "Jupiter" i 1998.
Seld til Panama i 2007, før den under ein orkan i 2017 fekk slagside og gjekk ned utanfor Vietnam, medan den var på veg for reparasjon.

SS Norway:
Bygd i Frankrike og levert som "France" i 1961 til French Line for å operere som atlanterhavskryssar. Vart verdas lengste passasjerskip med sine 315,66 meter, ein rekord som stod heilt til 2003.
Kjøpt av Norwegian Caribbean Line i 1979 og døypt til "Norway" av Kong Olav V i 1980.
I 2003 oppstod det ein kraftig kjeleeksplosjon ombord i skipet medan den låg i Miami, USA. 8 ansatte i besetninga omkom i ulukka, og det vart omfattande skader på skipet. Rederiet valde å ikkje reparere skadene, og "Norway" vart teken ut av drift fram til 2006, då den vart omdøypt "Blue Lady" og seld til India for opphogging.