నవాబ్ కేఫ్’చిత్ర యూనిట్ నగరంలో సందడి చేసింది | C NEWS | C CHANNEL

Описание: నవాబ్ కేఫ్’చిత్ర యూనిట్ నగరంలో సందడి చేసింది. విడుదలైన అన్ని ప్రాంతాలలో ఈ చిత్రానికి ప్రేక్షకుల నుంచి విశేష స్పందన వస్తున్న నేపథ్యంలో ప్రేక్షకులను నేరుగా కలిసి వారికి కృతజ్ఞతలు తెలియజేసేందుకు విజయోత్సవ యాత్ర చేపట్టినట్లు హీరో శివ కందుకూరి తెలిపారు....

వాయిస్ ఓవర్

విజయవాడ బందర్ రోడ్డు ట్రెండ్ సెట్ మాల్ లోని క్యాపిటల్ సినిమాస్ లో నవాబ్ కేఫ్ చిత్రం విజయవంతంగా ప్రదర్శనమవుతోంది. ఈ సందర్భంగా హీరో శివ కందుకూరి, హీరోయిన్ తేజు అశ్విని, దర్శకుడు ప్రమోద్ హర్ష ప్రేక్షకులతో కలిసి చిత్రాన్ని వీక్షించారు అనంతరం ప్రేక్షకులను నేరుగా కలుసుకొని ధన్యవాదాలు తెలియజేశారు. తెలుగు ప్రేక్షకులు కంటెంట్ ఉన్న చిత్రాన్ని తప్పనిసరిగా ఆదరిస్తారనడానికి తమ చిత్రమే నిదర్శనం అని హీరో శివ కందుకూరి విలేకరుల సమావేశంలో పేర్కొన్నారు
​గత శుక్రవారం విడుదలైన ఈ సినిమాకు ప్రేక్షకుల నుండి అద్భుతమైన స్పందన లభిస్తోందని హీరో శివ కందుకూరి హర్షం వ్యక్తం చేశారు. విజయవాడ నుండి తమకు చాలా మెసేజ్లు వచ్చాయని, ఇక్కడి ప్రేక్షకులు సినిమాను బాగా ఎంజాయ్ చేస్తున్నారని తెలిసి స్వయంగా కృతజ్ఞతలు చెప్పడానికి వచ్చామని ఆయన తెలిపారు.
​ హైదరాబాద్‌లోని థియేటర్లలో ప్రేక్షకులతో గడిపిన సమయంలో చాలా మంది ఫ్యామిలీ ఆడియన్స్, ముఖ్యంగా మధ్యవయస్కులు భావోద్వేగానికి గురయ్యారని శివ తెలిపారు.
​ఒక సినిమా మేకర్‌కు ప్రేక్షకుల ఆదరణే అతిపెద్ద బహుమతి అని, ఆంధ్ర మరియు తెలంగాణలోని ప్రేక్షకులందరికీ పేరుపేరునా ధన్యవాదాలు తెలిపారు.
​సినిమా నచ్చితే మీ కుటుంబ సభ్యులకు, స్నేహితులకు చెప్పాలని, అలాగే ఏవైనా లోపాలున్నా తమకు మెసేజ్ ద్వారా తెలియజేయాలని, అది తమకు నేర్చుకునే అవకాశం ఇస్తుందని పేర్కొన్నారు.
​మధ్యతరగతి జీవితాల నేపథ్యంలో సాగే ఈ చిత్రం ఫ్యామిలీ ఆడియన్స్‌ను ఆకట్టుకుంటోందన్నారు . అనంతరం హీరోయిన్ తేజు అశ్విని మాట్లాడుతూ తాను విజయవాడ వాసిని అని చెప్పారు. విజయవాడ ప్రేక్షకులను నేరుగా కలిసి చిత్రాన్ని విజయవంతం చేసినందుకు కృతజ్ఞతలు తెలియజేసేందుకు థియేటర్కు రావడం జరిగిందన్నారు. చిత్రంలో అన్ని అంశాలు ఉన్నాయని యువతకు ఈ చిత్రం కచ్చితంగా నచ్చుతుందని తెలియజేశారు. తండ్రి కొడుకుల మధ్య భావోద్వేగా సన్నివేశాలు అందరి కళ్ళలో కన్నీళ్లు తెప్పిస్తున్నాయని చెప్పారు.
అనంతరం చిత్ర దర్శకుడు హర్ష ప్రమోద్ మాట్లాడుతూ చిత్రం విడుదలైన అన్ని కేంద్రాలలో విజయవంతంగా ప్రదర్శితమవుతుందని తెలిపారు. ఈ చిత్రంలో ప్రేమ సన్నివేశాలతో పాటు తండ్రీ కొడుకుల మధ్య వచ్చే సన్నివేశాలు నిజ జీవితానికి దగ్గరగా ఉంటాయని తెలిపారు. సినిమాను ప్రతి తెలుగు ప్రేక్షకుడు కచ్చితంగా వీక్షించాలని ఆయన.