Наурыз тойлауға барып, адам қолынан қаза тапқан азаматтың әйелі әділдік іздейді

Описание: БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal  
---------------------------------------------
Ақтаудағы ұшақ апаты -    • Ақтаудағы ұшақ апаты  
Бишімбаев ісі -    • Бишімбаев ісі  
Су тасқыны бойынша барлық ақпарат -    • Су тасқыны // Төтенше жағдай  
Жұмбақ өлімдер -    • Жұмбақ өлім  

Бүгінгі шығарылымда:
Қызылорда облысы Қазалы ауданында наурыз мерекесін тойлауға барып, адам қолынан көз жұмған азаматтың әйелі әділдік іздеп жүр. Гүлназ Сатаева жолдасын бірнеше адамның жабылып, соққыға жыққанына сенімді. Тіпті қанды оқиғаға ауылдағы учаскелік полицейдің де қатысы бар деп күдіктенеді. Алайда тергеушілер істі бұрмалап, тек бір ғана адамды қамауға алғаны көңіліне күдік ұялатыпты.
Бұл Берік Серіковтың Байқожа ауылындағы наурыз тойына арналған жарыстарға белсене қатысып жүрген сәті. Жастайынан спортқа жаны құмар азамат күш сынасатын сайыстарда ауыл жігіттеріне дес бермейтін дейді жұбайы. Тіпті дәл осы күні гір тасы мен қой көтеруден жеңімпаз атаныпты. Жеңісіне балаша қуанған жолдасынан Гүлназ Сатаева қапыда айырылып қалды.
ГҮЛНАЗ САТАЕВА, марқұмның жұбайы:
Өзім кішкентайымнан жетімдікті ерте көрдім. Әкем де, шешем де, барым да, нарым да, арқасүйерім осы жолдасым еді. Адамның қанын мойындарына жүктеп осы уақытқа дейін ар-намыстары оянбай қалай отырғандарына мен таң қаламын.
35 жастағы азамат ертеңінде наурыз тойы жалғасып жатқан Шәкен елдімекеніне барған дейді жақындары. Көрші ауылдан тағы да жеңіспен оралар деп күткен отбасы кешкі уақытта қаралы хабарды естіпті. Айтуынша, қанды оқиғаны көргендер Берікті төрт жігіт жабылып ұрғанын жеткізген. Тіпті солардың арасында учаскелік полицей де болған дейді. Алайда қазір бір ғана күдікті тергеуге алынып, қалғаны бостандықта жүр деп күйінеді.
ГҮЛНАЗ САТАЕВА, марқұмның жұбайы:
Ол жерде бір ғана адам мойынына алып отыр мен өлтірдім деп. Бірақ мен оған сенбеймін. Қасына ертіп барған жолдастарының айтуынша олар куәгер есебінде маған айтты. Қасында тағы да үш бала бар еді деді. Оның ішінде учасковый бала да бар.
Оның үстіне күш-қайраты тасып тұрған еңгезердей жігітке бір адамның әлі келмейтіні анық деп отыр. Ал полиция “денсаулыққа қасақана ауыр зиян келтіру” бабымен тергеу жүргізіп жатырмыз деп жазбаша ғана жауап берді.
ҚЫЗЫЛОРДА ОБЛЫСТЫҚ ПОЛИЦИЯ ДЕПАРТАМЕНТІНІҢ БАСПАСӨЗ ҚЫЗМЕТІ:
Шәкен ауылындағы адам өліміне байланысты қылмыстық іс тіркелді. Кінәлі тұлға қамауға алынды. ҚР ҚК-тің 106-бабы, 3-бөлігімен тергеу амалдары жүргізілуде.
Қайғылы оқиғаға нақты не себеп болғаны да әзірге белгісіз. Төрт балам әкесіз қалды деп шырылдаған әйел іс бұрмаланбай, қылмысқа қатысы бар адамдардың барлығы да қамалсын деп отыр.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31    / @informburo31kanal  
Informburo kz    / @informburokz2022  
Facebook -   / informburo31  
Instagram -   / informburo31  
WhatApp - https://whatsapp.com/channel/0029VaDm...
TikTok - https://www.tiktok.com/@informburo31?...
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық