Jyewe Lt. Gen. Romeo Dallaire nasuhuje SATANI mu Rwanda

Описание: JENERALI ROMEO DALLAIRE NI MUNTU KI
“Nyuma ya kimwe mu biganiro byinshi natanze nyuma yo kuva mu Rwanda umwe mu basirikare ba Kanada yambajije uburyo nyuma y’ibyo nabonye n’ibyo naciyemo nakomeje kwizera Imana nanjye naramushubije nti nziko hari Imana kuko mu Rwanda naramukanije na Shitani;Naramubonye;Numvise impumuro ye;Namukozeho.rero nziko Satan ariho niyo mpamvu n’Imana iriho”.aya ni amagambo agaragara kuri Paji ya mbere y’igitabo Jenerali Romeo Dallaire yise “Shake Hands with the devil:Failure the Humanity in Rwanda”. iki gitabo gikubiyemo ubuzima bwe mu Rwanda mu gihe cya Jenoside yakorewe abatutsi kuko uyu Jenerali Dallaire niwe wari umuyobozi w’ingabo z’umuryango wabibumbye mu Rwanda mu gihe cya Jenoside MINUAR.uyu Dallaire yagumye mu Rwanda areba abatutsi bamupfira imbere ntacyo afite yabikoraho ndetse yagerageje kwaka bashebuja ubufasha ngo ahagarike Jenoside ntibabumuha maze Miliyoni y’abatutsi yicirwa mu maso ye .ibi nabyo byamuteye ihungabana rikomeye cyane maze nawe ageze muri Canada avuye mu Rwanda abishyira mu gitabo cye ndetse yanatanze ubuhamya henshi kugeza no mu rukiko mpuzamahanga mpanabyaha.
Uyu mugabo w’Umunyakanada yaramenyekanye cyane mu Isi kugeza nubu aracyagarukwaho ariko se ni muntu ki? Iki kibazo niba nawe ujya ukibaza reka dufatanye mu rugendo rwo kureba uyu mugabo uwo ariwe kuko niwe tugiye kugarukaho byihariye mu kiganiro cyuyu munsi .iyi ni Intsinzi Tv. Uwaguteguriye iki kiganiro ugiye Kumva ni BIZIMANA Christian naho jye Wagitunganije mu majwi nkaba ngiye no kukikugezaho nfi ERIC SAFARI. Mbahaye ikaze.
Romeo Antonius DALLAIRE yavutse tariki 25 /6/1946 kuri se wari umusirikare w’umunyakanada Staff Seargent Romeo Louis Dallaire wari umusirikare wari ufite imyaka 44 icyo gihe wari warazanywe mu Burayi no gufatanya n’ingabo z’abongereza n’abanyamerika mu kurwanya ababazi ba Adolph Hitler ndetse na Nyina Catheline VERMAESSEN wari umuholandikazi wari ufite imyaka 26 icyo gihe akaba we yari umuganga. Ababyeyi be bari barahuriye mu bikorwa byo guhangana n’ingaruka z’intambara ya kabiri y’Isi. Dallaire avuka yavukiye mu gace kitwa Denekamp mu Buholandi.
Nyuma y’iminsi mike Dallaire avutse I se umubyara yongeye gusubizwa muri Canada mu nshingano ze nk’umusirikare ndetse icyo gihe yahise asubirayo. Gusa nyuma y’igihe gito Ubwo Dallaire yarafite amezi 6 arikumwe na Nyina Catheline basanze ise muri Canada aho bageze tariki ya 13/6/1946 aho bahise batura mu mujyi wa Montreal akaba ariho na Dallaire yakuriye.
Kubera rero gukurira mu muryango w’abasirikare Romeo Dallaire yakuze ari umukunzi w’umwuga wa Gisirikare bikomeye maze mu mwaka wa 1963 ubwo yarafite imyaka 17 yonyine amaze kurangiza amashuri ye yisumbuye yahise yinjira mu ishuri rya Royal Military College Saint Jean aho naho yaharangije mu 1966 ahita akomereza muri Royal Military College of Canada aho naho yarangirije mu 1970 afite ipeti rya Lieutenant.ubwo niko yahise anatangira imirimo ye nkumusirikare w’umu Ofisiye.
Ariko na none hagati aho mu mpera z’umwaka wa 1969 Romeo Dallaire yahuye na Elizabeth Roberger umukobwa wa Lieutenant Colonel Guy Roberger wari warabaye umusirikare muri Canada mu gihe kimwe na Se wa Dallaire. uyu mukobwa Elizabeth na Dallaire batangiye gukundana kuva icyo gihe maze birangira bashakanye tariki 26/6/1976.
Uyu muryango mushya waje kwibaruka abana batatu barimo Umuhungu we w’imfura Willem Dallaire;Umukobwa umukurikira Catherine Dallaire n’Umuhererezi wabo Guy Dallaire gusa uyu mugore Elizabeth Roberger na Romeo Dallaire batandukanye mu 2019 bashaje nyuma yaho bari bamaranye imyaka 43. Nyuma yaho yahise ashakana nundi mugore w’Umunyakanadakazi witwa Marie-Claude Michaud mu 2020.

Lt General Romeo Dallaire ni muntu ki?
#IntsinziTV #GenRomeoDallaire