"Mwice abagabo naho abagore tuzabashyingira Abahutu":| Itegeko rya NYIRAMASUHUKO Polina

Описание: ISHYIRWAMUBIKORWA RYA JENOSIDE YAKOREWE ABATUTSI KU MATARIKI YA 24;25/4/1994
Kuva tariki 7/4/1994 n’Iminsi yakurikiyeho y’ukwezi kwa kane kugera uku kwezi kurangiye Abatutsi barimo barimburwa ku muvuduko uri hejuru kandi cyane bakarimburirwa aho babaga bahuriye ari benshi cyangwa se bahahungiye.Kuburyo usesenguye Imibare yabahitanywe na Jenoside yakorewe abatutsi usanga nibura abatutsi barenga 90% bishwe mu minsi yose y’Ukwezi kwa kane .ubwo ni uguhera tariki 7 kugeza tariki 30 mu kwa kane mu 1994. Gusa uko byagenze kose ikizwi neza nuko Gahunda yabajensoderi kwari ukwica abatutsi hadasigaye numwe ngo kuburyo abana babo bari kuzajya bababaza uko abatutsi basaga.aya ni amgambo yavuzwe nuwitwa Jean Bosco BARAYAGWIZA ubwo yari iwabo Kugisenyi muri mitingi y’ishyaka rya CDR. Uyu mugambi rero washyizwe mu bikorwa mu buryo buhambaye mu kiganiro cyuyu munsi icyo tugiye kuvuga ibyaranze amatariki ya 24 na 25 mu kwa kane mu 1994.ibi ni ibiganiro byuruhererekane bigaruka byihariye ku ishyiramubikorwa ry’Umugmbi wa Jenoside yakorewe abatutsi.iki ni igice cya 12 kuri iyi ngingo. mu gutegura iki kiganiro nifashije Igitabo cyashyizwe hanze n’icyahoze ari Komisiyo y’Igihugu yo kurwanya Jenoside CNLG kitwa “RWANDA 1991-1994:ITEGURWA N’ISHYIRWA MU BIKORWA RY’UMUGAMBI WA JENOSIDE YAKOREWE ABATUTSI MU RWANDA” kikaba cyaragiye hanze mu kwezi kwa gatatu mu 2021. iyi ni Intsinzi Tv.Uwaguteguriye Iki kiganiro ni BIZIMANA Christian.naho jye ugiye kukikugezaho ndi ERIC SAFARI.Mbahaye Ikaze.


Ku itariki ya 24 Mata 1994 Umugambi wo gushyira mu bikorwa Jenoside yakorewe abatutsi warakomeje.ukomezanya Intego ihambaye yo gutsemba abatutsi bose bagashiraho kuburyo hatagombaga gusigara nuwo Kubara Inkuru.mu murongo nkuwo rero uyu munsi nabwo habayeho bumwe mu bwicanyi bwakorewe abatutsi mu yahoze ari perefegitura ya GITARAMA Kuko uwo munsi Abatutsi benshi biciwe i Mayunzwe muri Ruhango. Mayunzwe yari Segiteri imwe muri esheshatu zari zigize komine Tambwe, ikaba ariyo yari ituyemo Abatutsi benshi muri iyo komine. Muri 1994, yayoborwaga n'uwari Burigadiye wa Komini witwa Murekambanze François .uyu uri no mu buhungiro yanagize uruhare rukomeye mu kwica Abatutsi benshi. Habarurwa abantu basaga 850 biciwe muri iyo Segiteri , abenshi bahiciwe ku italiki ya 24 Mata 1994.

Abatutsi bavanywe mu nzu zabo kuva ku wa 21/4/1994 bajyanwa ku musozi wiswe Karuvariyo. Bicishijwe impiri bitaga nta mpongano y’umwanzi, mihoro n’izindi ntwaro gakondo. Abagize uruhare rukomeye muri ubwo bwicanyi ni Sebuhuku wari umuyobozi w’ibitero akaba n’umuyoboke wa MDR, Murekambanze Francois, Hitimana Fulgence alias Rubara, Mundanikure Faustin, Sibomana Alphonse, Rwagahungu Pascal alias Gace, Niyonsenga Selemani, Rwasa Cyprien, Nyandwi alias Caporal, Ntwari n’abandi. Hari n’abandi bicanyi bavuye ahandi batari batuye muri
Mayunzwe nka Uwayisaba wo mu Bamwara na Gasuguri w’i Rukaza n’abandi. Murekambanze François wagize uruhare rukomeye mu kwica Abatutsi benshi, ubu aba mu buhungiro akaba ashakishwa n’ubutabera.

Kandi Uwo munsi wa tariki 24/4/1994 abandi batutsi biciwe i Kabgayi muri Muhanga.Mu iseminari nto ya St Léon y’i Kabgayi, muri Koleje St Joseph, mu Iseminari nkuru Philosophicum ya Kabgayi, mu mazu yahoze ari aya TRAFIPRO ariko haje
kwitwa CND mu gihe cya Jenoside, no mu bitaro bya Kabgayi hose hari impunzi z’Abatutsi. Cyakora Cathedrale ya Kabgayi ntawabashije kuyijyamo kuko Musenyeri Nsengiyumva Tadeyo umwepiskopi wa Kabgayi yanze ko bayihungiramo. Ucyinjira muri Kabgayi wahasangaga bariyeri, ku buryo Abatutsi benshi batabashije no kwinjira muri ibyo bigo. Abatutsi batangiye kugera I Kabgayi mu matariki hafi 20 Mata 1994. Kuva bakihagera, interahamwe zazaga kurobanura Abatutsi bakicirwa mu bigo
imbere, hanze yabyo, ndetse no mu ishyamba rya Kabgayi. Kubera ko i Kabgayi habaye nk’ahahungira Abatutsi baturutse mu bice bitandukanye, ibi byatumaga interahamwe ziturutse mu zindi Perefegitura ziza zitwaje urutonde rw’Abatutsi bahungiye i Kabgayi, zikabatwara kubica.