Hyderabad Mein Dense Fog : Shamshabad Airport Par Flights Mutasir | Delhi Flight Cancel

Описание: #Munsif #MunsifNews #MunsifNews24x7 #MunsifDaily #MunsifHyderabad #MunsifIndia #TelanganaNews #hyderabadnewschannel

Hyderabad Mein Dense Fog : hamshabad Airport Par Flights Mutasir | Delhi Flight Cancel



Hyderabad aur Secunderabad mein gahra gehar barqarar hai jis ki wajah se had-e-nazar intehai kam ho gayi hai. Is kharab mausam ka seedha asar air traffic par pada hai. Shamshabad Airport par Air India ki Hyderabad se Delhi jane wali flight gehar ki wajah se cancel kar di gayi, jab ke Hyderabad se Tirupati jane wali Indigo flight mein kaafi dair hui.

Aaj bhi Rajendranagar, Qismatpur aur Shamshabad ke ilaqon mein gahra gehar dekha gaya, jab ke Hyderabad ke mukhtalif ilaqon mein dhund ki wajah se traffic system buri tarah mutasir raha.

Is ke ilawa, Hyderabad mein land karne wali do Indigo flights ko Friday ke roz Vijayawada ke qareeb Gannavaram Airport ki taraf divert kar diya gaya. Officials ke mutabiq Delhi aur Mumbai se aane wali flights shadid dhund ke sabab Hyderabad mein land nahi kar saki, jis ke baad ehtiyati iqdamat ke taur par un ka rukh badal diya gaya.

Vijayawada Airport ke Director Lakshmi Kant Reddy ne media ko bataya ke in flights mein taqreeban 200 musafir sawar thay. Mausam ki kharabi ke sabab passengers ko kaafi pareshani ka samna karna pada.


#HyderabadFog #ShamshabadAirport #FlightCancel #IndigoFlights #AirIndia #WeatherUpdate #BreakingNews #TelanganaNews