Tezdeg - Nafaa Kerbiche - Taghuri 1995

Описание: "Ammus-iw yesɛa tezdeg
Tezdeg-iw ur tesɛi ammus."
Extrait du roman de Chemime Mokrane
----------------------------------------------------
Taɣuṛi d imal(1) n yal tamurt
D tin i d agerruj (2) n tneflit (3)
Yes-s i tettnefli tmeddurt
U yal lǧil tettheggi-t

S tmusni tettṛebbi-d irgazen
G tmurt-nsen tteqʷalen d isulas
S tmusni ɣer zzat ttaẓen
Nekʷni d imselmen ur nesɛi tilas

D tagi i isemman taɣuṛi
D wa i d aɣnay n wid yeɣṛan
G tmurt-nsen xeddmen s tayri
Yezga imal-nsen d aẓidan

Qqaṛen i wakken ad snulfun
Ayen werǧin zṛint wallen
Mačči ḥala akken ad eččen aɣṛum
Wa ɣuṛ-sen d asenfar (5) yugaren

Taɣuṛi n tmurt-nneɣ tedderɣel
Ḥala s asegrirev i tessufuɣ
Teqqʷel-as i wegdud am iḥiqel
Yezzuɣuṛen atma-s yal mi ara d-isuɣ

Γer wemḍiq n ddel, llaẓ d uselqef
D wayen akk i s-dyezzin d lexsaṛa
Terra allaɣ n Uzayri yekref
Ula din teẓẓa yid-s tilisa

Γuṛ-nneɣ arrac tullas d tafat
Zemren i wunadi deg tmussni
Tamurt zemren ad as-d-afen tifrat
Yal ugur tesɛa, yes-sen ad yefsi

Meɛna leḥkem imsemmeṛ iɛegev-iten
S kra n wahil n tteṛviya (6) axnanas
Yenɣa tamusni d wid i tt-iḥemmlen
Armi neqqʷel d ineggura gar leǧnas
---------------------------------------------
(1) Imal = avenir
(2) Agerruj = trésor
(3) Taneflit = développement
(4) Tameddurt = vie
(5) Asenfar = projet
(6) Ahil n tteṛbiya = programme scolaire