Taɣuri taseklant n wungal yezger asaka yura Lyes Belɛidi

Описание: 🍀Taɣuri taseklant sɣur

Belɛidi Kulla
d
Belqasemi Lina


🍁Ungal yezger asaka🍁

Yezger amagnu s taktiwin, i tsekla yerna-d tanalit n usnulfu , gar tutlayt d yiḥulfan yal ajerriḍ yettcebbiḥ-it s yisekkilen . Gar yimru n mass Lyes Belɛidi d yifer : ungal 'Yezger asaka'

i d-yeffɣen Seg teẓrigin Imru .

Deg 111 n yisebtar , ungal-a yebḍa ɣef semmuset n yixfawen , yal asebtar d aḥulfu , yal ixef d tadyant , ṣuḍen tudert I yiwudam akken deg wallaɣ n yimeɣri ad idiren .

Mi yeɣli yiḍ ad yali wass , yal ass s tegnawt-is , ass yuli yeḍleq icuḍaḍ-is , ass yuli iraḥ-d wakal-is .
Tudert Yal ass tmudd-as amur-is .

Ungal 'Yezger asaka' , yeẓẓuɣer-d tineḍruyin seg tmurt n Mali akken rrebrab ad tent-id-yessali ɣer tmurt n Lezzayer .
Tidyanin ssunuɣent tameddurt n uwadem agejdan , wekkdent-d assaɣen-is d yiwudam Seg yal tamnaḍṭ .
Yemmeslay-d ɣef ubeddel tga ddunit deg tudert-is akken fell-as ad d-tezzi teswiɛt .
Seg taluft ɣer tayeḍ , tin iɛeddan tayeḍ ad d-tass , tiqdimin ur frint s tejdidin ttefrent .

Tawnafit tessetbaɛ imeɣri gar yisebtar iwakken ad iḍal I tudert n Ṣaydu .
Ṣaydu Mayga , d yiwen yilemẓi I ilulen deg tmurt n Mali , d mmi-s n temdint n Bamaku. Yeḥrec , yeɣra tadamsa ma d axeddim ulac , I ixeddmen d wid yesɛan tuyat , d wid ur neɣri ur nekcim aɣerbaz .
I wugur-is iga tiyuẓaḍ d tifrat ; d aṣenfar : yettawi lqeḍ , yejjamaɛ timellalin . Yuɣal wugur-is d tiyuẓaḍ-is ; yessedhay iman-is ,
almi d asmi I as-d-uznen s axeddim ; ad yexdem deg tkebbanit .
Yezzi yenneḍ almi I d-yuɣal s ugur-is , yefreḥ , s ccan-is d leqder-is , ssawalen-as 'Mass Mayga' .

Ugur ahat yefrat neɣ ahat imi ɣezzif s lferḥ yesgunfuy .
Afus ineqqen , yegzem-as tirga , yesseɣli-d yir aṭṭan ɣef wul-is , mi sɣerqen wat Ičumar takebbanit s lḥemla n yidammen .
Tikkelt-a yeslek , tikkelt niḍen wissen, dagi I d-tlul tikti n trewla , tarewla ɣer Lurup.

Yezwar yuli-d ɣer tmurt n Lezzayer amzun s ayla-s I yekcem .
Deg unẓul yerwa-tent , nniya I ibubb yid-s tesseɣli-t , wten-t , ḥeqqren-t , taneḥyaft d tinigit deg wulawen .

Tanafa-s ibubb-itt ukamyun , yeẓuɣer-tt ɣer temnaḍṭ niḍen .
Yekukra , irewwel deg tmurt n yiwaɣzniwen ; tettabaɛ-it lmut , ma mačči d rrebrab d waɣzen .
Tikkelt-a amar leɛtab ad yeffeɣ ɣer tafat ?

Mmugrent-id s wudem yennecraḥen , sseččen-t , ssegnen-t , rnan-as axeddim , gan-t am yiwen gar-asen . Taqbaylit tger-as irebbi , inum agama , inum imdanen , xas sya ɣer da yetteqqes-it-id ucedhi n wakal-is , s tmurt n Leqbayel iḥellu .

Ixeddem d Mennad ɣer Muḥend U Yidir d yelli-s Faṭima , d abennay ɣur-nsen .
Am Netta am Mennad yes3an agerdas n tusnalkimt (DEG TMURT-A AZAL I WIN UR NEɣRI) .

Ula d tayri s umur-is deg unnar, aṭṭan n Faṭima d Ṣaydu I d tifrat-is .

Tudert mačči kan d cbaḥa , tayri ma Ur tcudd tettaweḍ ɣer lɛar , tessawal I ndama .
Ur teffiɣ akken I tt-yenwa , Nettat tezweǧ tuɣ wayeḍ , Netta d wul-is nezzhen , lqerḥ yerna-d ɣef gma-s , ula d Ba Muḥ yeǧǧa-t ; yeǧǧa tudert .
Ur d-yeggri uxeddim , ur d-teggri tayri .

Ad yuɣal ɣer tmurt ? Ahat !
Ad ikemmel ɣer Lurup ? Ahat !

Ad nadin ɣef wayla deg tmura n medden , anadi ɣef teflukt , tcerreg illel , gar tudert d lmut wissen ma ad awḍen lebɣi-nsen , d ayen ur yeẓri yiwen .
-----------------
Mass Lyes Belɛidi deg udlis-is 'Yezger Asaka' , yessaweḍ ad aɣ-yesselmed ugar n tɣawasa , daɣ ad d-yeɛreḍ s annar ugar n usentel iwakken ad nwali Ṣaydu d amedya ; d amedya n tebɣest , d amedya n lebɣi .
Akken yenna deg wawal-is :"Siwa ungif ur nettfaka Ayen akken yebda "
♡♡
Deg unnar mačči d yiwen uḥulfu : leḥzen , lefraq , tugdi d tayri , yessdukkel-iten deg yiwen yimru s wayes icebbeḥ ungal-is : 'YEZGER ASAKA'



🌾🌾🌾🌾🌾🌾🌾🌾🌾🌾🌾🌾
#kabyle #kabyle_girl #kabyles #lecture #lire #littérature_amazigh #roman #tamzight #ungal
🌾🌾🌾🌾🌾🌾🌾🌾🌾🌾🌾🌾🌾