Kwentong Antipolo Pilgrimage ni Epifania "Tita Eppie" Yago mula sa Antipolo, Rizal

Описание: Ang Kwentong Antipolo Pilgrimage ni Epifania "Tita Eppie" Yago mula sa Antipolo, Rizal.

Taong 1981 nang lagnatin ng sampung araw ang kaniyang anak na isang taong gulang pa lamang. Nang hingin kay Sis. Eppie ng doktor na ipasok na ang sanggol sa ospital noong bisperas ng piyesta ng Mahal na Birhen ng Antipolo, naisipan niyang humiram ng manto. (telang nasa likod ng Mahal na Birhen, na gawa sa lace, na hinahalikan at hinahawakan ng mga deboto). Pagdating ng manto sa ospital, binalot niya ito agad sa buong katawan ng anak. Doon lang nagsimulang pagpawisan ang sanggol, at tuluyan nang gumaling.
Naniniwala si Sis. Eppie na ang manto ng Mahal na Birhen, at ang dasal ng Mahal na Ina kay Hesukristo ang nakapagpapagaling sa kaniyang mga kapamilya. Maging ang kaniyang mga apo kapag nagkakasakit ay hinihingi ito sa pagsabing, "Where is the dress of Mama Mary?"
Mula pagkabata, hanggang sa pagiging lola; mula sa pawang pagrarasyon ng merienda sa mga sakristan at kantora ng simbahan, hanggang sa pagdala ng imahe at mga stampita ng Mahal na Birhen bilang church worker na OFW sa iba't ibang lugar sa Pilipinas, maging sa iba't ibang bansa; nananampalataya si Tita Eppie na nang dahil sa Mahal ng Birhen ng Antipolo ay napapanatag, napapagaling, at nagagabayan ang kaniyang buong angkan at lahat ng kaniyang mga nakakasalamuha.
Ikaw, ano ang Kwentong Antipolo Pilgrimage mo?
#KwentongAntipoloPilgrimage
#TayoNaSaAntipoloOnline

This material is copyrighted by the Antipolo Cathedral Social Communications Ministry. All Rights Reserved 2020.

#AntipoloCathedral
#BirhenNgAntipolo