Kwentong Antipolo Pilgrimage ni Noel "Tiboy" Reyes mula sa Cardona, Rizal

Описание: Kwentong Antipolo Pilgrimage ni Noel "Tiboy" Reyes mula sa Cardona, Rizal

"Ang pamamanata ay inabot ko na sa nanay ko, pero nakita ko na may picture yung nanay ko nung siya ay dalaga kasama siya nung Lola ko sa Antipolo. Kaya kami nagsilaki kami sinasama rin kami ng nanay ko sa Antipolo kapag may Pilgrimage. Ayon, regular lang na isinasama sa prusisyon, isang beses siguro mga third year high school ako nabatak ako sa pagbuhat ng Birhen kasi pag nalapit ka babatakin ka, pabubuhatin ka."

"Gusto ko talagang nakabubuhat sa kanya, parang may peace of mind tsaka nagagabayan ka sa mga desisyong ginagawa mo."

Si Tito Tiboy ay isa sa mga taong tumutulong sa ating Simbahan lalo na sa mga parokya sa ating Diyosesis na higit na nangangailangan. Masasabi nating tunay na deboto rin ng Mahal na Birhen ng Antipolo si Tito Tiboy dahil tuwing may prusisyon ang Mahal na Birhen, siya at ang kanyang pamilya ay laging sumasama. Ang mga kalalakihan sa kanila ay laging makikitang nagbubuhat sa karo ng Mahal na Ina.
Isa sa mga nabanggit niya kung bakit ganoon na lamang ang debosyon niya sa Mahal na Ina ay noong kailangang operahan ang kaniyang isang anak, sa Mahal na Birhen siya humingi ng panalangin. Kaya, kahit na taga-Cardona pa sila, lagi silang bumabiyahe kasama ang kaniyang asawa, mga anak, mga kapatid, mga pamangkin at iba pang kaanak upang magdebosyon sa Mahal na Birhen ng Antipolo.

Ikaw, ano ang Kwentong Antipolo Pilgrimage mo?


This material is copyrighted by the Antipolo Cathedral Social Communications Ministry. All Rights Reserved 2020.

#KwentongAntipoloPilgrimage
#TayoNaSaAntipoloOnline
#BirhenNgAntipolo
#OLPGV
#AntipoloCathedral