តើអ៊ីស្រាអែលលួចផលិតអាវុធនុយក្លេអ៊ែរបានសម្រេចដោយរបៀបណា?

Описание: ថ្វីត្បិតតែអ៊ីស្រាអែលតែងតែប្រកាន់ខ្ជាប់នូវគោលនយោបាយ "ភាពមិនច្បាស់លាស់" (Nuclear Ambiguity) ដោយមិនដែលទទួលស្គាល់ ហើយក៏មិនបដិសេធជាផ្លូវការថាខ្លួនមានអាវុធនុយក្លេអ៊ែរក៏ដោយ ក៏ប៉ុន្តែសហគមន៍អន្តរជាតិ រួមទាំងស្ថាប័នស៊ើបការណ៍សម្ងាត់នានា ជឿជាក់យ៉ាងច្បាស់ថា អ៊ីស្រាអែលបានអភិវឌ្ឍអាវុធនេះបានសម្រេចតាំងពីចុងទសវត្សរ៍ឆ្នាំ ១៩៦០ មកម្ល៉េះ។

ភាពជោគជ័យក្នុងការផលិតអាវុធនុយក្លេអ៊ែររបស់អ៊ីស្រាអែល គឺកើតចេញពីការរួមបញ្ចូលគ្នានៃឆន្ទៈនយោបាយ ជំនួយពីបរទេស និងប្រតិបត្តិការសម្ងាត់បំផុត។ នៅទសវត្សរ៍ឆ្នាំ ១៩៥០
នាយករដ្ឋមន្ត្រីទីមួយរបស់អ៊ីស្រាអែល លោក ដាវីដ បិន ហ្គូរីអន (David Ben-Gurion) មានជំនឿយ៉ាងមុតមាំថា ការមានអាវុធប្រល័យលោក គឺជាការធានាអាយុជីវិតតែមួយគត់សម្រាប់ប្រទេសតូចមួយ ដែលហ៊ុំព័ទ្ធដោយរដ្ឋអារ៉ាប់ជាសត្រូវ និងដើម្បីគេចចេញពីការតាមសម្លាប់ផ្ដាច់ពូជម្ដងទៀតដូចកាលជំនាន់សង្រ្គាមលោកលើកទី២។ ដូច្នេះហើយ គាត់បានចាប់ផ្តើមគម្រោងនេះភ្លាមៗបន្ទាប់ពីអ៊ីស្រាអែលបង្កើតរដ្ឋឯករាជ្យ។ ប៉ុន្ដែដើម្បីឱ្យគម្រោងនេះអាចដំណើរការទៅបាន គឺចាំបាច់ត្រូវតែមានការជួយជ្រោមជ្រែង ពីអ្នកវិទ្យាសាស្រ្ដដែលមានសមត្ថភាព។

***កំណត់សម្គាល់: រាល់ការបញ្ចេញមតិទៅលើខ្លឹមសារនៃវីដេអូនេះ គឺជាទំនួសខុសត្រូវរបស់អ្នកបញ្ចេញមតិផ្ទាល់។ ដូច្នេះ សូមមិត្តអ្នកគាំទ្រគ្រប់ផ្នែក ធ្វើការបញ្ចេញមតិប្រកបដោយសីលធម៌ ក្នុងន័យស្ថាបនា។ ការបញ្ចេញមតិបែបជេរប្រមាថ អុជអាល នាំដល់ការយល់ច្រឡំ ឬ ការរើសអើងជាតិសាសន៍ សាសនា ឬក៏បុគ្គលណាមួយ នាំឱ្យបាត់បង់ភាពថ្លៃថ្នូរជាមនុស្ស មិនមែនជាគោលបំណងរបស់ខ្ញុំបាទឡើយ។ ខ្លឹមសារអប់រំនៃវីដេអូនេះ ជាគោលបំណងរបស់យើងខ្ញុំ! សូមអរគុណ!

#នុយក្លេអ៊ែរអ៊ីស្រាអែល