បិតាគ្រាប់បែកបរមាណូអាមេរិច ជេ រ៉ូប៊ឺត អូផិនហៃមឺរ | J. Robert Oppenheimer

Описание: លោក ជេ. រ៉ូប៊ឺត អូពែនហៃមឺរ (J. Robert Oppenheimer) គឺជាអ្នកវិទ្យាសាស្រ្ដខាងផ្នែករូបវិទ្យាសញ្ជាតិអាមេរិកដ៏ល្បីល្បាញ ដែលត្រូវបានគេស្គាល់ជាទូទៅថាជា "បិតាគ្រាប់បែកបរមាណូ"។ លោកគឺជាមេដឹកនាំផ្នែកវិទ្យាសាស្ត្រនៃ គម្រោងម៉ាន់ហាតាន់ (Manhattan Project) និងជាប្រធានមន្ទីរពិសោធន៍ Los Alamos ដែលទទួលបន្ទុកក្នុងការរចនា និងផលិតគ្រាប់បែកបរមាណូដំបូងបង្អស់របស់ពិភពលោក។ ក្រោយពេលផលិតគ្រាប់បែកនុយក្លេអ៊ែរបានសម្រេច លោកតែងតែវរស់នៅជាមួយវិប្បដិសារី និងភាពស្មុគស្មាញក្នុងចិត្តរហូតដល់ថ្ងៃស្លាប់។

លោកកើតនៅថ្ងៃទី ២២ ខែមេសា ឆ្នាំ ១៩០៤ នៅទីក្រុងញូវយ៉ក សហរដ្ឋអាមេរិក។ ឪពុករបស់លោកឈ្មោះ ជូលីយ៉ាស អូផិនហៃមឺរ (Julius Oppenheimer) ជាអ្នកជំនួញនាំចូលវាយនភណ្ឌដ៏ស្តុកស្តម្ភម្នាក់មកពីអាល្លឺម៉ង់ ហើយម្តាយរបស់លោកឈ្មោះ អ៊ីលឡា ហ្រ្វីដមេន (Ella Friedman) គឺជាវិចិត្រករម្នាក់។ គ្រួសាររបស់លោកគឺជាជនជាតិជ្វីហ្វ (Jewish) ដែលមានការអប់រំខ្ពស់។ លោកធំដឹងក្តីក្នុងផ្ទះល្វែងដ៏ប្រណីតមួយនៅ Upper West Side ដែលមានអ្នកបម្រើ និងការប្រមូលផ្តុំសិល្បៈដ៏មានតម្លៃ។

អូពែនហៃមឺរ ត្រូវបានគេស្គាល់ថាជាក្មេង "ពូកែខុសពីក្មេងដទៃ"។ លោកចាប់អារម្មណ៍លើវិទ្យាសាស្ត្រ និងអក្សរសាស្ត្រតាំងពីតូច។ ក៏ប៉ុន្ដែលោកជាមនុស្សអៀនខ្មាស ចូលចិត្តនៅម្នាក់ឯង និងមិនសូវមានមិត្តភក្តិឡើយ។ មិត្តរួមថ្នាក់ធ្លាប់រំលឹកថា លោកមិនមែនជាក្មេងលេងសើចច្រើនទេ ប៉ុន្តែជាក្មេងដែលចំណាយពេលភាគច្រើនអានសៀវភៅ និងសិក្សា។ នៅអាយុ ៧ ឆ្នាំ លោកចាប់ផ្ដើមប្រមូលថ្ម និងរ៉ែ។ នៅអាយុ ១២ ឆ្នាំ លោកមានចំណេះដឹងផ្នែកភូគព្ភវិទ្យាយ៉ាងខ្លាំង រហូតដល់ត្រូវបានគេអញ្ជើញឱ្យទៅថ្លែងសុន្ទរកថានៅក្នុងក្លឹបភូគព្ភវិទ្យាញូវយ៉ក (New York Mineralogical Club) ដែលសមាជិកដទៃទៀតសុទ្ធតែជាមនុស្សចាស់។

***កំណត់សម្គាល់: រាល់ការបញ្ចេញមតិទៅលើខ្លឹមសារនៃវីដេអូនេះ គឺជាទំនួសខុសត្រូវរបស់អ្នកបញ្ចេញមតិផ្ទាល់។ ដូច្នេះ សូមមិត្តអ្នកគាំទ្រគ្រប់ផ្នែក ធ្វើការបញ្ចេញមតិប្រកបដោយសីលធម៌ ក្នុងន័យស្ថាបនា។ ការបញ្ចេញមតិបែបជេរប្រមាថ អុជអាល នាំដល់ការយល់ច្រឡំ ឬ ការរើសអើងជាតិសាសន៍ សាសនា ឬក៏បុគ្គលណាមួយ នាំឱ្យបាត់បង់ភាពថ្លៃថ្នូរជាមនុស្ស មិនមែនជាគោលបំណងរបស់ខ្ញុំបាទឡើយ។ ខ្លឹមសារអប់រំនៃវីដេអូនេះ ជាគោលបំណងរបស់យើងខ្ញុំ! សូមអរគុណ!

#អ្នកផលិតគ្រាប់បែកនុយក្លេអ៊ែរដំបូងគេ #J.RobertOppenheimer #oppenheimer