BUKU ENDE HKBP No. 360 Buku Logu No. 191 TONGTONG LONGANG DO ROHANGKON (Vokal & Musik)
Автор: Huria Kristen Batak Protestan
Загружено: 2024-11-18
Просмотров: 5262
Описание:
TONGTONG LONGANG DO ROHANGKON
Buku Ende No. 360 Buku Logu No. 191
1.
Tongtong longang do rohangkon di hinadenggan ni joroM, Jahowa Zebaot, Tuhanku
Mansai malungun rohangki naeng lao tu alamanna i, solhot tu habadiaonMu
Ho sipangolu tondingki naeng pujionku do disi
2.
Amporik, leangleang i marasar do di jabuMi, marpangondian tu langgatan
Au on pe, ale Rajangki, pasabamonMu ma disi, tu Ho do au marhasahatan
Martua halak sasude na mangingani joroMi
3.
Tutu martua halak i na mangasahon gogoMi, huhut mardalan di dalanMu
Nang pe mamolus jolma i di rura partangisan i, parmualanna do basaMu,
mabaor do pasupasuMi tongtong gogo tu jolma i
4.
Lam leleng pardalanan nii, lam ganda do gogoNa i, ai sahat do sude tu Sion
Paeleng Tuhan pinggolMi, tangihon ma tangianghi, sai tongos ma pangurupion
Manogu au tu joloMi, mamujimuji goarMi
5.
Ho lombulombu situtu Di nasa jolma na burju, sai tatap na miniahanMu
Sadari pe di jabuMi, dumenggan sian ari i, saribu di parholanganMu
Lea pe au di tano on, asal maringan di joroM
6.
Panondang, lombulombu pe, do Debata di hita be, na marhaposan tu Ibana
Ai asi ni rohaNa i, nang pe hamuliaon i, dilehon tu hasudunganNa
O Tuhan sai martua do na marhaposan i tu Ho
_________________________________________
Pemain Musik :
Pdt. Senada Siallagan, S.Th
________________________________________
Penyanyi:
St. Menerwatsen Panggabean
________________________________________
#hkbp #kantorpusathkbp #gerejahkbp #huriakristenbatakprotestan #bukuende #bukulogu #nyanyiangerejawi #lagurohanibatak #himnegereja
Повторяем попытку...
Доступные форматы для скачивания:
Скачать видео
-
Информация по загрузке: