BE 360 | Tongtong Longang do Rohangkon | Not, Musik, Lirik & Vocal | Buku Ende HKBP Nomor 360
Автор: Soli Deo Harmony
Загружено: 2025-03-11
Просмотров: 9211
Описание:
BE 360 : 1 - 6
#bukuende #hkbp #360 #be360 #musikgereja #organ #belajarorgan #piano #belajarpiano #ibadahminggu #batak #kristen #bernyanyi_benar @solideoharmony88
1.
Tongtong longang do rohangkon, di hinadenggan ni joroM, Jahowa Sebaot Tuhanku.
Mansai malungun rohangki naeng lao tu alamanna i, solhot tu habadiaonMu.
Ho Sipangolu tondingki, naeng pujionku do disi.
2.
Amporik, leangleang i, marasar do di jabuMi, marpangondian tu langgatan.
Au on pe, ale Rajangki pasabamonMu ma disi, tu Ho do au marhasahatan.
Martua halak sasude, na mangingani joroMi.
3.
Tutu martua halak i, na mangasahon gogoMi, huhut mardalan di dalanMu.
Nang pe mamolus jolma i di rura partangisan i, parmualanna do basaMu.
Mabaor do pasupasuMi, tongtong gogo tu jolma i.
4.
Lam leleng pardalanan ni, lam ganda do gogoNa i, ai sahat do sude tu Sion. Paeleng Tuhan pinggolMi, tangihon ma tangiangki, sai tongos ma pangurupion.
Manogu au tu joloMi, mamujimuji goarMi.
5.
Ho lombulombu situtu, di nasa jolma na burju, sai tatap na miniahanMu. Sadari pe di jabuMi dumenggan sian ari i, saribu di parholanganMu.
Lea pe au di tano on, asal maringan di joroM.
6.
Panondang, lombulombu pe, do Debata di hita be na marhaposan tu Ibana
Ai asi ni rohaNa i nang pe hamuliaon i, dilehon tu hasudunganNa.
O Tuhan sai martua do, na marhaposan i tu Ho.
Повторяем попытку...
Доступные форматы для скачивания:
Скачать видео
-
Информация по загрузке:
