Emin Rasen bu ýyl hem Türkmenistanda

Описание: Aşgabadyň Gyşky oýunlar sport toplumynda Täze ýyl mynasybetli türkmen we döwletara belli estrada aydymçylaryň konsertleri badalga aldy. Ilkinji konsertde Eýranly türkmen aydymçysy Emin Rasen, Türkmenistanyň at gazanan artistleri Nurýagdy Rejebow we Ahmet Atajanow, şonyň ýaly Annaberdi Orazmämmedow çykyş etdiler. Bu barada "Türkmenistan" gazetinde habar berildi.

Emin Rasen dabaranyň başynda ata Watany Türkmenistanda konsert bermegiň özi üçin uly hormatdygyny belledi. Onuň "Serkerde", "Turan", "Gaýgy etme" atly aydymlary tomaşaçylarda watansöýüji, mertlik, aslyňa buýsanmak ýaly duýgulary oýardyp, ruhubelentlik bagyşlady.

Eýranly türkmen aydymçysy Emin Raseniň we Annaberdi Orazmämmedowyň bilelikde ýerine ýetiren "Türkmenistan" we "Magtymguludyr" atly aýdymlary şu ýylyň ägirt uly üstünliklerini dabaralandyrdy. Emin Rasen Ahmet Atajanow bilen bilelikde "Watannama" atly aýdymy hem ýerine ýetirdi.

Tomaşaçylar Emin Raseniň "Tans oýnalyň", "Başyňy yrama", "Eller ýokary" atly aydymlaryny aýratyn şowhun bilen garşy aldylar. Türkmenistanyň Döwlet tans toparynyň tansly çykyşlary hem sahnanyň bezegine öwrüldi.

Emin Rasen rep aýdymlary bilen tanalyp, "Gandi", "Drakula", "Pozitiw" ýaly aýdymlary bilen tapawutlanýar. Emin Raseniň we Süleýman Uşakowyň bilelikde ýerine ýetiren "Bereket" atly aydymy tomaşaçylara Täze ýyl sowgady boldy.
#Aşgabat
#EminRasen
#TürkmenEstrada
#TäzeÝyl2024
#Konsert
#EýranlyAydymçy
#AýdymSaz
#TäzeÝylSowgady
#Türkmenistan