နေ့စဉ်ခွန်အား ၂၀၂၆ ခုနှစ်၊ ဖေဖော်ဝါရီလ ၂၇ ရက်

Описание: လမ်းလျှောက်ရင်း ဆုတောင်း
https://myanmar-odb.org/2026/02/27/pr...

  / myanmar.odb  
  / ourdailybreadmyanmar  

ယနေ့ဖတ်ရန်ကျမ်းချက် - ဓမ္မရာဇဝင်စတုတ္ထစောင် ၄:၃၁-၃၅
https://odb-ministries.org/bible/mm/r...

ထင်ဟပ်ဖော်ပြချက်
လမ်းလျှောက်ရင်း ဆုတောင်း

ဧလိယ၏အပြုအမူသည် သူမည်မျှအပြင်းအထန်ဆုတောင်းကြောင်းကိုပြနေသည်(ဓမ္မရာဇဝင် စတုတ္ထစောင် ၄း၃၃)။ ဆုတောင်းခြင်းသည် လူသားတို့၏ခန္ဓာ စိတ်ဝိညာဥ် အသိ အားလုံးကို စေ့စပ်ချိတ်ဆက်ပေးသည့် ဝိညာဥ်ရေးဆိုင်ရာ အမှုအရာတစ်ခုဖြစ်သည်။ “မခြားမလပ် ဆုတောင်းကြလော့”(သက်သာလောနိတ်ဩဝါဒစာ ပထမစောင် ၅း၁၇)ဟု ကျွန်ုပ်တို့အား မိန့်ကြားထားသလို မည်သည့်နေရာ၊ မည်သည့်အချိန်၊ မည်သည့် အခြေအနေ တွင် မဆိုဆုတောင်းနိုင်ကြောင်း ကျွန်ုပ်တို့ သိသည်ပင်။ ဆုတောင်းသည့်နေရာနှင့် ဆုတောင်းသည့် ကိုယ်ဟန်အနေအထားသည် ကွဲပြားနိုင်ကြောင်း သခင်ယေရှုလောက၌ ကျင်လည်စဥ် သူ့အသက်တာကဖော်ပြသည်။ ရှင်မာကုခရစ်ဝင် ၁း၃၅ တွင် မနက်စောစောထတတ်သူ ယေရှုသည် တောအရပ် ဆိတ်ငြိမ်ရာသို့သွား၍ ဆုတောင်းကြောင်း ဖော်ပြထားသည်။ တပည့်တော် ၁၂ ပါးကို မရွေးချယ်မီ သခင်သည် တောင်ပေါ်၌ တစ်ညလုံး ဆုတောင်းခဲ့သည်(ရှင်လုကာခရစ်ဝင် ၆း၁၂)။ ကားတင်သတ်ခံရမည့် အမှုအရေးကြောင့် ခြောက်ခြား ကြောက်လန့်မှုကို ခံစားရချိန်၌ ခရစ်‌တော်သည် ဂေသရှေမန်ဥယျာဥ်၌ ဆုတောင်းခဲ့သည်။ ရှင်မဿဲက သခင်ယေရှုဆုတောင်းသည့်နေရာနှင့် တပည့်တော်များရှိသည့်နေရာသို့ သွားလိုက်ပြန်လိုက်ဖြစ်နေသည့် အခြေအနေကို ရှင်မဿဲက ရေးသားထားသည်(၂၆း၃၆-၄၆)။ ပေတရု၊ ယာကုပ်နှင့် ယောဟန်တို့အား သူနှင့်အတူ ဆုတောင်းလျက်စောင့်နေရန် သခင်ယေရှုအားပေးခဲ့သည့်တိုင် သူ၏အဘခမည်းတော်ထံဆုတောင်းခြင်းက သူ့နှလုံးသား၌ ဆက်လက်ရိုက်ခတ်နေဟန်တူပါသည်။ ယနေ့တွင် ကျွန်ုပ်တို၏ဆုတောင်းကို ဘုရားသခင်ကြားတော်မူပြီး မစတော်မူမည်ကို ကျွန်ုပ်တို့ စိတ်ချထားနိုင်ပါသည်။
စာရေးသူ အာသာဂျက်ဆင်