နေ့စဉ်ခွန်အား ၂၀၂၆ ခုနှစ်၊ မတ်လ ၁၁ ရက်

Описание: ပုန်ကန်ခြင်းနှင့် လှည့်ပြန်ခြင်း
https://myanmar-odb.org/2026/03/11/re...

  / myanmar.odb  
  / ourdailybreadmyanmar  

ယနေ့ဖတ်ရန်ကျမ်းချက် - ယေရမိအနာဂတ္တိကျမ်း ၃:၁၁-၁၇
https://odb-ministries.org/bible/mm/r...

ထင်ဟပ်ဖော်ပြချက်
ပုန်ကန်ခြင်းနှင့် လှည့်ပြန်ခြင်း

ယေရမိသည် တောင်ပိုင်းနိုင်ငံ‌တော် ယုဒပြည်သို့ ပရောဖက်ပြုရသော ပရောဖက်ဖြစ်သည်။ ယေရုရှလင် မြို့တော်ကို အုပ်ချုပ်သော နောက်ဆုံးမင်းငါးပါး (ယောရှိမင်း၊ ‌ယောခတ် ၊ ယောယကိမ်၊ ယေခေါနိ နှင့် ဇေဒကိမင်း)တို့ အုပ်ချုပ်စိုးသောကာလအတွင်း ပရောဖက်ပြုရသူဖြစ်သည်။ မြောက်ပိုင်းနိုင်ငံတော် ဣသရေလနိုင်ငံသည် ရုပ်တုဆင်းတုကိုးကွယ်မှုနှင့် ဆိုးညစ်မှုတို့ကြောင့် အာရှုရိတို့၏လက်ထဲသို့ ဘီစီ ၇၂၂ တွင် ကျရှုံးခဲ့သည်။ ယေရမိ လက်ထက်ကာလတွင် ယုဒပြည်သည် ယောရှိမင်းကဲ့သို့သော ကောင်းမွန်သောရှင်ဘုရင်၏ အုပ်စိုးမှုနောက်သို့ မလိုက်လျှောက်ဘဲ၊ ဣသရေလပြည်၏ခြေရာကို နင်းကာ ဘုရားသခင်ကို ကျောခိုင်းပြီး ရုပ်တုဆင်းတုကို ကိုးကွယ်ကြသည်။ သူတို့၏ဆိုးညစ်မှုအတွက် ဆုံးမခြင်းခံရမည်အကြောင်း ‌‌ယေရမိမှတစ်ဆင့် ဘုရားသခင် သူတို့ကို သတိပေးသော်ငြားလည်း၊ ၎င်းတို့နောင်တရရန်နှင့် သူ့ထံလှည့်ပြန်ရန် ကိုယ်‌တော်အထပ်ထပ် နှိုးဆော်ခဲ့သည် (‌‌‌ယေရမိအနာဂတ္တိကျမ်း ၂း၁၉၊ ၃း၁၄)။ ဘီစီ ၅၈၆ တွင် ယုဒလူတို့ ‌ဗာဗုလုန်တို့လက်အောက် ကျရောက်ခဲ့သည်။ သို့တိုင် ဘုရားသခင်သည် ကျန်ကြွင်းသူလူနည်းစုကို နေရင်းပြည်သို့ ပြန်လည် ပို့ဆောင်ခဲ့ပြီး ကယ်တင်ရှင်”‌ယေရှု”ကို စေလွှတ်ပေးမည်ဟု ကတိ‌တော်ထားရှိခဲ့သည်(၂၃း၅-၆)။ ယနေ့တွင် ကိုယ်‌တော်ထံသို့ နောင်တရ၍ လှည့်ပြန်လာသူအားလုံးကို ဘုရားသခင်က ခွင့်လွှတ်ပြီး ချစ်ခြင်းမေတ္တာကို ပေးအပ်ရန် ကမ်းလှမ်းနေဆဲဖြစ်သည်။
စာရေးသူ - အယ်လီဆန်ကီဒါ