Tv Klan - Lindja e Mesme në flakë

Описание: Shtëllunga të mëdha tymi pasuan shpërthime të forta këtë të diel në Teheran dhe qytete të tjera iraniane, në ditën e dytë të sulmeve amerikano-izraelite. Gjatë bombardimeve është dëmtuar edhe ambasada e Serbisë në Teheran. Presidenti Vuçiç bëri të ditur se stafi po zhvendoset në Azerbajxhan.

Ushtria izraelite njoftoi herët këtë të diel një tjetër valë sulmesh të reja ndaj Republikës Islamike.

Presidenti amerikan Donald Trump paralajmëroi një sërë sulmesh hakmarrëse të Iranit.

“Irani deklaroi se ka ndërmend të godasë shumë fort, më fort se kurrë më parë. Më mirë të mos e bëjnë. Sepse, nëse e bëjnë, do t’i dënojmë me një forcë që askush nuk e ka parë më parë”.

Ndërkohë, edhe Irani është përgjigjur duke sulmuar Izraelin dhe vendet e Gjirit, aleatë të Shteteve të Bashkuara. Presidenti i vendit, Masud Pezeshkian, tha se hakmarrja ishte tashmë një e drejtë dhe detyrë për t’u përmbushur.

Sirenat e sulmeve u dëgjuan vazhdimisht gjatë natës në të gjithë shtetin hebre dhe një seri shpërthimesh masive në kryeqytetin Tel Aviv. Pamjet treguan izraelitët duke u futur në vende të sigurta për t’u mbrojtur.

Dy sulme shënjestruan edhe Qipron, ku Britania e Madhe ka të vendosura baza ushtarake, por pa shkaktuar dëme.

Shpërthime të fuqishme u dëgjuan në Dubai dhe kryeqytetin e Katarit, Doha, për të dytën ditë radhazi. Aeroporti Ndërkombëtar i Dubait, hoteli ikonik Burj Al Arab dhe ishulli luksoz artificial Palm Jumeirah u dëmtuan.

Një grua dhe një fëmijë u plagosën pasi një dron u përplas në Kullat Etihad të Abu Dhabit, sipas një deklarate nga autoritetet. Agjencia franceze AFP raportoi për shpërthime që po dëgjohen në kryeqytetin e Arabisë Saudite, Riad.

Porti tregtar i Omanit u godit nga dy dronë, duke plagosur një punëtor të huaj, sipas agjencisë shtetërore të lajmeve.

Mijëra fluturime janë prekur në të gjithë Lindjen e Mesme dhe më gjerë që nga sulmet ajrore të SHBA-ve dhe Izraelit. Aeroportet kryesore të tranzitit, përfshirë Dubain, qendra ndërkombëtare më e ngarkuar në botë dhe Abu Dhabin në Emiratet e Bashkuara Arabe, si dhe Dohan në Katar, u mbyllën ose u kufizuan në masë pasi pjesa më e madhe e hapësirës ajrore të rajonit mbeti e mbyllur.

Aeroporti Ndërkombëtar i Dubait pësoi dëme gjatë sulmeve hakmarrëse të Iranit, ndërsa u goditën edhe aeroportet në Abu Dhabi dhe Kuvajt.

Nga ana tjetër, Teherani ka njoftuar mbylljen e ngushticës së Hormuzit, kanalin e ngushtë që përcjell rreth një të pestën e konsumit global të naftës, duke paralajmëruar një rritje të ndjeshme të çmimeve të karburantit.

Tv Klan

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/