Reumatizma - Dhimbja e kyçeve ka një zgjidhje kuruese.

Описание: Pothuajse të gjitha sëmundjet autoimune kanë si shkak proteinat bimore, por gabimisht konsiderohen me shkaqe të panjohura deri më sot. Në dekadën e fundit po jepen përcaktime reale të këtyre problemeve kaq të rënda.
Janë shumë lloje të ndryshme qelizash dhe indesh që përbëjnë artikulacionin (kyçin) dhe zonën rreth tij. Kemi qelizat kockore, kërcore, sinoviale, muskulore, lidhore. Ndodhen si kudo, edhe mbaresat nervore, enët e gjakut dhe ato limfatike.
Shenjat kryesore të reumatizmës janë: dhimbje e vazhdueshme dhe simetrike në të dy pjesët e trupit sidomos në mëngjes, enjtje, shtangësi, sertësi dhe ngurtësim, sidomos në shputën e këmbës dhe në kockat e duarve, ulje e lëvizshmërisë dhe disa herë mund të kemi temperaturë.
Diagnoza e Artritit reumatoid vendoset me analiza gjaku dhe radiografi. Janë disa markues në gjak si Proteina C-reaktive, Faktori reumatoid, Anti-CCP, si dhe me X-Ray, Rezonancë magnetike dhe Ultrasound (Eko).
Grupi i ilaçeve NSAIDs kanë shumë efekte të dëmshme në shumë nga organet e trupit tonë, si në veshka, mëlçi, stomak, zorrë, zemër, tru, etj. Kortizonikët do japin shtim në peshë, rezistencë ndaj insulinës, dhe dobësim të sistemit tonë imunitar - mbrojtës.
Ilaçet që frenojnë apo ulin mbrojtjen tonë, japin efekt në këto sëmundje por krijojnë kushte për infeksione të shpeshta në trup.
Kirurgjia është mënyra e fundit për të ndihmuar gjendjen e rënduar të pacientit kur mjekimi me ilaçe nuk jep rezultat më. Zakonisht bëhet zëvendësimi i artikulacioneve, heqja e zonës dhe indeve të inflamuara, ndaj kërkon mjek me shumë eksperiencë dhe kohë të gjatë rehabilitimi.
Çdo produkt apo ushqim i njohur që shkakton inflamacion në trupin tonë duhet të shmanget në rastin e sëmundjeve autoimune. Këto lloj ushqime shkaktojnë dëme sepse ne i marrim në doza të vogla por në vazhdimësi çdo ditë duke gënjyer apo mashtruar sistemin tonë mbrojtës.
Marrja e vitaminës D3 rekomandohet sot në të gjithë popullatën për shkak të ekspozimit të pakët që ne kemi me diellin gjatë ditës dhe veshjes me shtresa që pengon formimin e vitaminës D nga dielli në lëkurën tonë.
Ndryshe nga dhjami nën lëkurë që është i dobishëm dhe fiziologjik, dhjami visceral brenda barkut dhe rreth zorrëve dhe organeve, është i dëmshëm dhe lëshon vazhdimisht toksina, citokina, pra do të krijoj inflamacion, sepse ai nuk shumohet dot por gjithmonë vetëm zmadhohet.
Riaftësimi kërkon durim dhe kohë të gjatë me fizioterapi, masazhe, ushtrimeve të përditshme, mbajtjes së mbrojtëseve të kyçeve në dorë, shputë apo artikulacione të tjera.