O‘zbek qoriya | Baqara surasi (225-230), Qur’on qiroat | Surah Baqara, Quran recitation

Описание: BAQARA SURASI (225-230)
Madinada nozil bo‘lgan. 286 oyatdan iborat.
Bismillahir rohmanir rohiym.
Mehribon va rahmli Allohning nomi ila (boshlayman).

225. Alloh sizlarni behuda qasamlaringiz uchun tutmas. Lekin qalblaringiz kasb qilgan narsa uchun tutadir. Va Alloh o‘ta mag‘firatlidir, o‘ta hilmlidir.
226. Xotinlaridan iylo qilganlar uchun kutish to‘rt oydir. Agar qaytsalar, bas, albatta, Alloh o‘ta mag‘firatlidir, o‘ta rahmlidir.
227. Va agar taloqni qasd qilsalar, bas, albatta, Alloh o‘ta eshituvchidir, o‘ta biluvchidir.
228.
Taloq qilingan ayollar o‘zlaricha uch quru’ kutarlar. Agar Allohga va oxirat kuniga iymon keltirgan bo‘lsalar, bachadonlarida Alloh xalq qilgan narsani berkitishlari ular uchun halol bo‘lmas. O‘shanda erlari, agar islohni iroda qilsalar, ularni o‘zlariga qaytarib olishga haqliroqdirlar. Va ularning burchlari muqobilida ma’ruf ila haqlari ham bordir. Va erkaklarga ulardan ustun daraja bordir. Va Alloh o‘ta izzatlidir, o‘ta hikmatlidir.

229. Taloq ikki martadir. So‘ngra yaxshilikcha ushlab qolish yoki yaxshilikcha qo‘yib yuborish. Ularga bergan narsangizdan biror narsani olish sizga halol bo‘lmas, ikkovlari Allohning chegaralarida tura olmaslikdan qo‘rqsalar, mustasno. Bas, agar ikkovlarining Allohning chegaralarida tura olmasliklaridan qo‘rqsangiz, xotin bergan evazda ikkovlariga gunoh yo‘qdir. Ushbular Allohning chegaralaridir. Bas, ularni buzmang. Va kim Allohning chegaralarini buzsa, bas, o‘shalar, ana o‘shalar zolimlardir.
230. So‘ng agar taloq qilsa, bundan keyin u ayol toki boshqa erga tegmagunicha unga halol bo‘lmas. Agar u ham taloq qilsa, gar Allohning chegaralarida turishga ishonsalar, bir-birlariga qaytsalar, ularga gunoh yo‘q. Ana shular Allohning chegaralari bo‘lib, ularni biladigan qavmlarga bayon qilur.

Shayx Muhammad Sodiq Muhammad Yusuf,
Tafsiri Hilol