ကြေးအိုးအသားလုံးလေးနဲ့ ဆီချက်ခေါက်ဆွဲ

Описание: ကြေးအိုးဝက်သားလုံးလေးနဲ့ ဆီချက်ခေါက်ဆွဲမွှေးမွှေးလေး လုပ်စားရအောင်နော်
ခေါက်ဆွဲလေးက အိအိထွေးထွေး အသားလုံးလေးကကြ ထုပ်ထုပ်လေး အရမ်းစားလို့ကောင်းတာဆို အသားလုံးက ပိုလုပ်ပြီး အချဥ်လေးနဲ့ပဲ ဒီတိုင်းစားရင်လဲကောင်းပါတယ်ရှင်
Em ကလေ ကြက်သားကြေးအိုးကိုစမ်းကြည့်နေတဲ့ကာလမို့ ပြုတ်ရည်ကိုကြေးအိုးလို ပြုတ်ထားတာပါရှင် အဲ့အတိုင်းလုပ်လဲရတယ် ရိုးရိုးဆီချက်ဟင်းရည်ချက်သလိုပဲ ကြက်ရိုး (သို့) ဝက်ရိုးကို ကြက်သွန်ဖြူ ဓါးပြားရိုက်ထားတာရယ် ဂျင်းရယ်ထည့်ပြီး ဆား၊သကြား၊ကြက်သားမှုန့်နဲ့ပြုတ်လို့ရပါတယ်နော် ကြက်သွန်မိတ် ငရုတ်ကောင်းခတ်လို့ရပါတယ်ရှင်
ကြေးအိုးချက်နည်းရော ဆီချက်ခေါက်ဆွဲချက်နည်းရော တင်ပေးဖူးတာမို့ Em ကွန်းမန့်မှာလင့်ခ်လေး ပြန်ပေးထားမယ်နော်

ပါဝင်ပစ္စည်းများ (၆ ယောက်စာ)
ပြုတ်ရည် -
ကြက်ရိုး - ကြက်အလတ်ဆိုဒ်တစ်ကောင်ရဲ့ ကျောရိုးကိုသုံးထားပါတယ်ရှင်
ဆား - လက်ဖက်စားဇွန်း ၁ ဇွန်း
သကြား - လက်ဖက်စားဇွန်း ၁ ဇွန်း
အချိုမှုန့် - လက်ဖက်စားဇွန်း ၁ ဇွန်း

အသားလုံးနယ်ရန် (Em က နည်းနည်းပိုလုပ်ထားတာပါ တစ်ဝက်လောက်ပဲလုပ်လဲရပါတယ်) -
ဝက်ကျိတ်သား - ၇၅၀ ဂရမ်
ငါးဖယ် - ၁၈၇ ဂရမ်
ဆား - ထမင်းစားဇွန်း ၁ ဇွန်း
သကြား - ထမင်းစားဇွန်း ၂ ဇွန်း
အချိုမှုန့် - လက်ဖက်စားဇွန်း ၁ ဇွန်း
ကြက်ဥအကာ - ၂ လုံး
ကော်မှုန့် - ထမင်းစားဇွန်း ၆ ဇွန်း
ငရုတ်ကောင်းမှုန့် - လက်ဖက်စားဇွန်း ၁ ဇွန်း (အရမ်းအများကြီးမထည့်ပါနဲ့နော်)
နှမ်းဆီ - လက်ဖက်စားဇွန်း ၂ ဇွန်း (အရမ်းအများကြီးမထည့်ပါနဲ့နော်)

ဆီချက်ချက်ရန် -
ကြက်သွန်ဖြူ - ၃ လုံး
ကြက်အရေခွံ သို့ ဝက်ဆီ - အနည်းငယ် ဆီ
ဆီ

ဆီချက်အရသာစပ်ရန် (တစ်ပွဲစာအတွက်) -
ဆီချက်အရည် - ထမင်းစားဇွန်း ၁ ဇွန်းခွဲ - ၂ ဇွန်း
ဆီချက်အဖတ် - အနည်းငယ်
ပဲငံပြာရည်အကြည် - ထမင်းစားဇွန်း ၁ ဇွန်း
သကြား - လက်ဖက်စားဇွန်းဝက်
ကြက်သားမှုန့် - လက်ဖက်စားဇွန်းဝက်
ငရုတ်ကောင်း - အနည်းငယ်

အချဥ်ရည် -
မန်ကျီးနှစ် - ထမင်းစားဇွန်း ၁ ဇွန်း
ငရုတ်ဆီ - ထမင်းစားဇွန်း ၄-၅ ဇွန်း
သကြား - လက်ဖက်စားဇွန်း ၁ ဇွန်း
ငရုတ်သီးစိမ်း - ၆-၇တောင့်ခန့် (အစပ်ကိုကြိုက်သလိုချိန်ပါရှင်)
ကြက်သွန်ဖြူ - ၅ တက်

ချစ်တဲ့
အမ်မလီ

#ဆီချက် #ဆီချက်ခေါက်ဆွဲ #cooking