မွှေးကြိုင်ပြီးအရမ်းအရသာရှိတဲ့ မာလာအကင်လုပ်နည်း

Описание: Christmas တို့ New Year တို့မှာ ဘာလေးလုပ်စားရင်ကောင်းမလဲစဥ်းစားနေတယ်ဆို ထုံထုံစပ်စပ်မွှေးမွှေးနဲ့အရမ်းစားလို့ကောင်းတဲ့ မာလာအကင်လေးတွေကို လုပ်စားကြည့်နော် အသား၊ ပင်လယ်စာ၊ အသားလုံး၊ sausages၊ အသီးအရွက်တွေ အကုန်လုံးနဲ့ကိုလိုက်တဲ့ မာလာအကင်အနှစ်လေးရယ် မာလာအကင်အမှုန့်လေးရယ်နဲ့ ကင်ထားတော့လေ မွှေးကြိုင်ပြီး အရမ်းစားလို့ကောင်းတာပါရှင် Em က အချောင်း ၄၀ လောက်လုပ်တာပါ ၃ - ၄ ယောက်စာလောက်ပါရှင် လူများတယ်ဆို ဒီအချိုးအစားကိုပဲ ၂ ဆ ၃ ဆ အဆင်ပြေသလိုတိုးပြီးလုပ်ပါနော် နှစ်သက်ရာအသား၊ငါး၊ပင်လယ်စာနဲ့အသီးအရွက်တွေကို လုပ်လို့ရပါတယ်ရှင် Em ကတော့ လူအရမ်းမများတာမို့လို့ ကြိုက်တာလေးတွေကိုပဲရွေးပြီး လုပ်ထားပါတယ် အသီးအရွက်ဆိုလဲ ငရုတ်ပွတို့ broccoli တို့ ပြောင်းဖူးတို့အစုံလုပ်လို့ရတယ်ပေ့ါနော် အသားဆိုလဲ ဝက်သုံးထပ်သားတို့ ကြက်တောင်ပံတို့ ဝက်အူချိုတို့ဆိုလဲစားလို့ကောင်းပါတယ်ရှင်
မိသားစုတွေ သူငယ်ချင်းတွေနဲ့ တူတူပျော်ကြရင်း အစားစားတာများသွားတာတို့ အစပ်စားတာများသွားတာတို့ကြောင့် လေထိုးလေအောင့် ဗိုက်အောင့်တာတွေဖြစ်ရင် တိုက်လို့ရအောင် Kremil – S အဖြူလေးကိုလဲ ဆောင်ထားဖို့ မမေ့နဲ့နော် တစ်ခုခုဆို တိုက်လို့ရတာပေါ့နော် Em ကတော့ အိမ်မှာ အမြဲဆောင်ထားဖြစ်ပါတယ်ရှင်

ပါဝင်ပစ္စည်းများ -
အမဲသား - ၂၆၄ ဂရမ်တစ်ပြား (Steak လုပ်တဲ့အသားကိုသုံးပါတယ် အသားနုတာလေးသုံးပေးပါနော်, အကင် ၆ ချောင်းခန့်ရပါတယ်)
ပုစွန် - ၃ ကောင်
ကြက်အမြစ် - ၂၀၀ ဂရမ်ခန့်
ဝက်အူပိတ် - ၅၀၀ ဂရမ်
ရေဘဝဲ - ၂၈၄ ဂရမ် (ရေနွေးဆူဆူထဲခဏထည့်ဖျောပြီးမှ ကင်ပါနော် ရေအရမ်းထွက်လို့ပါ ပြည်ကြီးငါးလဲတူတူပါပဲရှင် အကြာကြီးမပြုတ်ပါနဲ့နော် မာသွားတတ်ပါတယ်)
Sausage - ၄ ခု
ဝက်မှိုလုံး - ၆ လုံး
ငါးတိုဖူး - ၆ ခု
ငုံးဥ - ၆ ခု
King Oyster Mushroom – ၂ ခု
အပ်မှို - အနည်းငယ်
ဘေကွန် - ၃ ပြား
အာလူး - တစ်လုံး
ရုံပတီသီး - ၄ - ၅ ခု


အသားနယ်နည်း -
အမဲသား - ကြက်သွန်နီ၊ ကြက်သွန်မိတ်၊ ကော်မှုန့်၊ ကြက်ဥအကာ၊ ဆား၊ ခရုဆီ
ဆိတ်သား - ကြက်သွန်နီ၊ ကြက်သွန်မိတ်၊ ကြက်သွန်ဖြူ၊ ဇီယာအမှုန့်၊ ဆား၊ ခရုဆီ
ကြက်သား၊ ကြက်အသဲအမြစ်၊ ကြက်တောင်ပံ၊ ဝက်သား (ဝက်သုံးထပ်သားကပိုကောင်းပါတယ်) - ဂျင်း၊ ကြက်သွန်နီ၊ ကြက်သွန်မိတ်၊ ဆား၊ ခရုဆီ

မာလာအကင်အနှစ် (အချောင်း ၄၀ စာလောက်ရှိပါတယ်) -
ဆီပူ - ၁၈၀ မီလီခန့် (1/2 Cup ရယ် ¼ Cup ရယ်ထည့်တာပါ ပိုထည့်လဲရပါတယ်)
ကြက်သွန်ဖြူ - ၁ ဥ (နှုတ်နှုတ်စင်း (သို့) ထောင်းထားပါ)
ငရုတ်သီးခွဲခြမ်း/ငရုတ်သီးအကျက်မှုန့်/ တရုတ်ငရုတ်သီးအမှုန့် - ထမင်းစားဇွန်း ၂ ဇွန်း
မာလာအကင်မှုန့် - ထမင်းစားဇွန်း ၃ ဇွန်း (အထုပ်သေး ၂ ထုပ်)
ပဲငံပြည်ရည်အကြည် - ထမင်းစားဇွန်း ၂ ဇွန်း
ခရုဆီ - ထမင်းစားဇွန်း ၂ ဇွန်း
ကြက်သားမှုန့် - လက်ဖက်စားဇွန်း ၁ ဇွန်း
သကြား - လက်ဖက်စားဇွန်းဝက်
ငရုတ်ကောင်း - လက်ဖက်စားဇွန်းဝက်
နှမ်းစေ့ - လက်ဖက်စားဇွန်း ၁ ဇွန်းခွဲ
ရေသန့် - လက်ဖက်စားဇွန်း ၃ ဇွန်း

မာလာအကင်အမှုန့် (ဒါလေးက ပိုလုပ်ထားတာပါ တစ်ဝက်လောက်လျှော့လုပ်လဲရပါတယ်) -
ငရုတ်သီးခွဲခြမ်း/ငရုတ်သီးအကျက်မှုန့်/ တရုတ်ငရုတ်သီးအမှုန့် - ထမင်းစားဇွန်း ၂ ဇွန်း
မာလာအကင်မှုန့် - ထမင်းစားဇွန်း ၁ ဇွန်းခွဲ (အထုပ်သေးတစ်ထုပ်)
ဇီယာအမှုန့် (Cumin Powder) - ထမင်းစားဇွန်း ၁ ဇွန်း
ဇီယာစေ့ (Cumin Seed) - ထမင်းစားဇွန်း ၁ ဇွန်း
ဟွားကျောင်းအမှုန့် (Sichuan Peppercorn Powder) - လက်ဖက်စားဇွန်း ၁ ဇွန်း (ဒီလောက်ဆိုအရမ်းမထုံပါဘူးရှင်)
မြေပဲလှော်ထောင်း - ထမင်းစားဇွန်း ၂ ဇွန်း
နှမ်းစေ့ - လက်ဖက်စားဇွန်း ၁ ဇွန်း
ဆား - လက်ဖက်စားဇွန်းဝက်
သကြား - လက်ဖက်စားဇွန်းဝက်
ကြက်သားမှုန့် - လက်ဖက်စားဇွန်း ၁ ဇွန်း
အကင်ကင်မယ်ဆိုရင်လေ Oven, Electric Grill, Grill Pan, မီးသွေးမီးဖိုတို့နဲ့ကင်လို့ရပါတယ် မီးသွေးမီးဖိုပေါ်မှအကင်ဇကာနဲ့ ကင်ရင်ဖြစ်ဖြစ် Em’ လို အကင်ဇကာပါတဲ့ Electric Grill သုံးရင်ဖြစ်ဖြစ် မာလာအနှစ်ကို အောက်ကိုအရမ်းမကျအောင်ဂရုစိုက်ပါနော် မီးထတောက်တတ်လို့ပါရှင် စိတ်ချချင်ရင်တော့ အရင်ဆုံးတစ်ဝက်လောက်ကင်ပြီးမှ အကင်လေးတွေကို အောက်မှာသပ်သပ် မာလာအနှစ်သုပ်ပေးပြီး ခဏပြန်တင်ကင်တာဖြစ်ဖြစ် လုံးဝကျက်အောင်ကင်ပြီးမှ မာလာအနှစ်သုပ် မာလာအမှုန့်လေးဖြူးတာဖြစ်ဖြစ်လုပ်ပါနော်
Em က အနံ့သက်သာအောင် Oven နဲ့လဲကင်ပါတယ် Oven သုံးမယ်ဆိုရင်တော့ မာလာအနှစ်ကိုတစ်ခါထဲသုပ်ထားပြီး Oven ထဲမှာ အပေါ်မီးအောက်မီး (သို့) အပေါ်မီးနဲ့ 200’C လောက်နဲ့ကင်ပါနော် ၁၀ မိနစ်လောက်တစ်ခါထုပ်ပြီး အပေါ်အောက်လှန်ပေးပါရှင်