Klan News-Ligji i ri, Kosova leje qendrimi 12 muaj për serbët në veri

Описание: Qeveria e Kosovës ka nisur zbatimin e Ligjit për të Huajt dhe Ligjit për Automjetet, dy akte ligjore që rregullojnë qëndrimin e shtetasve të huaj dhe përdorimin e automjeteve me targa të huaja në territorin e vendit.
Kryeministri i Kosovës, Albin Kurti, deklaroi se i gjithë procesi do të zhvillohet në koordinim me unionin europian dhe me përfaqësuesit e komunitetit serb lokal. Sipas tij, qytetarët nuk kanë arsye të kenë frikë nga ky proces, pasi ai synon vendosjen e rregullave të qarta dhe funksionimin normal të institucioneve.
Kurti theksoi se qeveria do të kujdeset që gjatë zbatimit të ligjeve të mos ketë pengesa në ofrimin e shërbimeve bazike, veçanërisht në arsim dhe shëndetësi.
Ndërkohë, për të lehtësuar situatën për komunitetin serb, qeveria ka vendosur që personave që nuk posedojnë dokumente të Kosovës t’u lëshohet leje e përkohshme qëndrimi për 12 muaj. Po ashtu, për një periudhë të caktuar do të njihen edhe kartat e identitetit të lëshuara nga autoritetet e Serbisë.
Sipas Ligjit për të Huajt, çdo person që hyn në Kosovë dhe nuk ka dokumente të vendit duhet të aplikojë për leje qëndrimi brenda 72 orëve. Shtetasit e huaj mund të qëndrojnë deri në 90 ditë, ndërsa për një qëndrim më të gjatë kërkohet pajisja me leje qëndrimi.
Ndërkohë, Ligji për Automjetet përcakton se një automjet me targa të huaja nuk mund të qarkullojë në Kosovë për më shumë se tre muaj pa autorizim të veçantë. Në rast të shkeljes së këtij rregulli, policia mund të vendosë gjobë deri në 200 euro.
Ministria e Punëve të Brendshme, në bashkëpunim me Policinë e Kosovës, ka publikuar aplikacionin për deklarimin e adresës për shtetasit e huaj që hyjnë në Republikën e Kosovës. Sipas njoftimit, deklarimi i adresës mund të bëhet edhe përmes faqes së Policisë së Kosovës në internet.
Deklarimi i adresës nga shtetasit e huaj brenda tre ditëve nga hyrja në Republikën e Kosovës është detyrim ligjor.
Këtë progres në Kosovë e ka mbështetur edhe kreu i qeverisë shqiptare, i cili tha se shpërbërja e strukturave paralele është një punë e vështirë, ndaj i bëri thirrje BE-së që t’i përgjigjet këtij guximi duke hequr masat ndëshkuese dhe duke e çuar përpara aplikimin e Kosovës për anëtarësim.


SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan