Tv Klan - I vendosën tritol 36-vjeçarit, 7 persona në pranga

Описание: Policia ka vendosur në pranga 7 persona si autorë të dyshuar të vendosjes dhe shpërthimit të tritolit në makinën e O.K. disa ditë më parë në Tiranë. Dyshohet se porosia për këtë ngjarje u dha nga Sabah Nuzi, nga burgu i Fushë-Krujës.

Personi që shihni në foto është Sabah Nuzi, i cili dyshohet se porositi nga burgu i Fushë-Krujës vendosjen e tritolit në makinën e O.K., në orët e para të mëngjesit të 10 marsit, në rrugën “Vasil Ndoçka” në Tiranë.

33-vjeçari Nuzi, i vënë në pranga nga SPAK prej shtatorit 2025 si pjesë e grupit të Aurel Hoxhës dhe i dyshuar si pjesëmarrës në zhdukjen e Klevis Lleshit në vitin 2020, dyshohet se kontraktoi 7 persona për realizimin e ngjarjes. Ata janë arrestuar nga policia e Tiranës, e cila ra në gjurmët e tyre falë pamjeve të kamerave të sigurisë, ku fillimisht u ekspozua J.Gj., 32-vjeçari që dyshohet se vendosi lëndën plasëse në makinën e O.K.

Të riut iu siguruan të gjitha mjetet e nevojshme për realizimin e ngjarjes, duke nisur nga lënda plasëse, biçikleta me të cilën lëvizi, si dhe foto të automjetit dhe vendndodhjes së tij. Pas krimit, autori është ndihmuar të largohet me një automjet tip BMW nga 6 të arrestuarit e tjerë, siç shihet edhe në pamje.

Burime pranë grupit të hetimit i thanë TV Klan se nga deklarimet e të arrestuarve ka dalë emri i Sabah Nuzit, i cili për realizimin e ngjarjes dyshohet se do të paguante 15 mijë euro. Deri në këtë fazë të hetimit, policia nuk jep të dhëna mbi motivet e sulmit me tritol ndaj O.K., por mësohet se verifikime po kryhen për ndonjë konflikt mbi veprimtari kriminale mes të dëmtuarit dhe porositësit.

Tv Klan

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/