E KOS DI MAS BALOR: PREDIKA KRISTU HESUS TA E KOS DI MAS BALOR, PASOBRA TA TRATA DI SALBA BIDA

Описание: E KOS DI MAS BALIOSO

Ruman, amigu i kontaktonan di e kanal “Palabras Actualizadas”, un dia di preparashon den gran manera bendishona pa bo i esnan ku ta rondona bo.

SEÑOR ta siña nos awe kon pa balora kosnan den bida.

Nos texto di meditashon ta instrui nos di e siguiente forma:
'Pero mi no ta konsiderá mi bida di ningun balor pa mi; loke tin balor pa mi ta, terminá mi mishon i e trabou ku mi a haña di Señor Hesus, esta prediká e bon notisia tokante grasia di Dios. Echonan 20:24

E apostel Pablo a jega na e uniko kunklushon ku predika e mensage tokante di e bida, sufrimentu, sakrifisio, entiero y resurekshon di Kristu Hesus ta e kos di mas balioso ku ta existi pe. Analisando e situashon, e pregunta logiko ta: ta dikon e apostel ta konsidera predikashon mas importante ku su propio bida?

E kontesta pa e pregunta aki, nos ta hañe den e proposito di tur e fasenan di trajektoria di Hesus Su estadia riba e mundu aki i e palabra di Dios mes ta duna nos e kontesta:
'Lo e duna lus na un yu hòmber i lo bo yama e yu “Hesus”, pasobra lo E salba su pueblo for di piká.’ ' Mateo 1:21

Y den e buki di Lukas e informashon aki ta keda añadi:
'Lo E ta un gran hòmber i nan lo yam'É “Yu di Altísimo”. Señor Dios lo dun'É trono di su antepasado David; te den eternidat lo E ta rei di e desendientenan di Yakob i na su reino lo no tin fin.’' Lukas 1:32-33

Ku otro palabra mi ruman, na momentu ku nos analisa e proposito di predika e bida di Kristu Hesus, nos ta yega na e konklushon ku no tin nada mas balioso ku esaki, pasobra, aki ta trata di salba bida.
Mi por magina mi ku kualkier hende ta bisa, pero ami no por predika manera pastor X,X,X.

Sa esaki mi ruman, Hesus a duna nos un mandato masha masha simpel mes, pa nos tur sin eksepshon predika Su mensage i e instrukshon ta esaki:
'Mi ta duna boso un mandamentu nobo: Stima otro! Manera Ami a stima boso, asina boso tambe mester stima otro. Si boso stima otro, tur hende lo sa ku boso ta mi disipel.’ 'Huan 13:34-35
Ku otro palabra, e predikashi di mas fuerte ta ora ku nos unu stima otro: i no di kualkier forma, sino di e forma kon Hesus mes a stima nos. Hesus pues a bandona tur kos den shelu pa e bin sirbi nos, karga nos pikanan, muri i resusita pa asina nos por tin bida i esey na abundansia.

Esaki ta laga nos kompronde tambe ku predikashi no ta trata di palabranan elokuente of ideanan i konseptonan extrabagante. E ta trata simplemente di un predikashon praktiko: stima otro di kurason.

SEÑOR ta yama nos awe pa konsidera e mensage ku Ela duna humanidat pa medio di Su yu Kristu Hesus e kos di más importante den nos bidanan.
Anto guess what: pa predika Kristu Hesus e forma mas efektivo ta ora nos ta stima otro, pasobra ta esaki ta e prueba ku nos ta Su discipelnan.

ORASHON
SEÑOR danki pa mustra nos Bo amor, pa medio di e bida di Bo yu stima Kristu Hesus. Danki pa Bo amor ta inmenso ku Bo a manda Bo propio Spiritu Santu bin asesora nos den stima otro.
Den nomber di Kristu Hesus nos ta gradisi y alaba Bo nomber Santu. Amén y amén.

BENDISHON
PALABRAS ACTUALIZADAS