ભક્તિમાં હરખાણા રે સીતારામ જય સીતારામ (નીચે લખેલું છે)

Описание: શ્રી કૃષ્ણ ને ભક્તો વાલા
ભક્તોને વળી સંકટ આવે
વાલો વારે આવે રે સીતારામ જય સીતારામ

શકુબાઈ ને જાત્રામાં જાવું
સાસુએ ઓરડીએ પુરા
માર ઘણા મારા રે સીતારામ જય સીતારામ

વાલો મારો જમવા બેઠા
રૂક્ષ્મણી તો પકવાન પેરસે
શકુબાઈ પોકારે રે સીતારામ જય સીતારામ

થાળી ને હડસેલી દીધી
ચકુબાઈ નું રૂપ લીધું
ઓરડીયામાં આવ્યા રે સીતારામ જય સીતારામ

સકુબાઈ તો જાત્રા કરે
વાલો ઘરના કામ કરે
સાસુ ઓર્ડર આપે રે સીતારામ જય સીતારામ

ગાય વાછરું ને પાણી પાજો
દરના એટલા દળી નાખજો
ઘમ્મર વલોણા કરજો
ઝટપટ કામ કરજો રે સીતારામ જય સીતારામ

પરોઢીએ કાઈ પાણી ભરે
ગંગા જમના છલ્લી વળે
ભક્તિમાં હરખાણા રે સીતારામ જય સીતારામ

ગાય વાછરો ને પાણી પાય છે
છાણ ને વાસીદા કરે
વાછરડું રાજી થાય રે સીતારામ જય સીતારામ

સવારે કાંઈ વહેલા ઉઠે
ઘમ્મર વલોણા કરે
છાસની રેલમ સેલરી સીતારામ જય સીતારામ

સાંજ પડીને ગાયો દોવે
દોનામાં દૂધ સમાય નહીં
દૂધની રેલમછેલ સીતારામ જય સીતારામ

રસોઈ તો વળી એવી કરે
સ્વાદ તો અનેરો આવે
ધમકે રસોઈ બને રે સીતારામ જય સીતારામ

સાસુ સસરા જમવા બેઠા
સસરા તો વળી વખાણ કરે
શકું ગયા સુધરી રે સીતારામ જય સીતારામ

સાસુ કેસે મે સુધારા
માર તો વળી એવા મારા
માર વિનાના સુધરે સીતારામ જય સીતારામ

સાસુ તો પલંગમાં પોઢા
વાલો મારો પગ દબાવે
લાજુ ઘણી આવે રે સીતારામ જય સીતારામ

રૂક્ષ્મણી તો હાંસી કરે
પાડોશણ બનીને આવે
લાગો છો રૂપાળા રે સીતારામ જય સીતારામ

છ છ મહિના વીતી ગયા
રાત દિવસ પૂરા થયા
શકુ ઘેરે આવ્યા રે સીતારામ જય સીતારામ

તાંબા બેડા હાથમાં લીધા
શકુ તો વળી પાદર મળ્યા
વાતો ઘણી કરવી રે સીતારામ જય સીતારામ

મારા ભક્તો જળ ચડાવે
તારી સાસુ કામ કરાવે
દરના દળાવે રે સીતારામ જય સીતારામ

મારા ભક્તો ફુલ ચડાવે
તારી સાસુ ગાળો દે છે
પગ એ ના દબાવે રે સીતારામ જય સીતારામ

શ્રીકૃષ્ણ ને ભક્તો વાલા
ભક્તોને વળી સંકટ પડે
વાલો વારે આવે રે સીતારામ જય સીતારામ