Баланы қырқынан шығару рәсімі

Описание: 17.03.2025 жылы Бұқар жырау аудандық тарихи - өлкетану музей филиалының ұйымдастыруымен “Салт-дәстүр”- күніне орай қазақтың қасиетті дәстүрлерінің бірі – баланы қырқынан шығару рәсімін өткіздік. Бұл – сәбидің өміріндегі маңызды кезең, ата-бабамыздан қалған терең мағыналы салт.
Сәби шомылдырылып, қырық қасық су құйылып, денсаулығы мықты, ғұмыры ұзақ болсын деген ізгі ниетпен ақ жаулықты әжелер бата берді. Ақ ниетті жандар шашу шашып, балаға ақ жол тілеп, тәтті-дәмді сыйлықтар таратылды.
Осындай ұлттық дәстүрлерімізді дәріптеп, ұрпақтан-ұрпаққа жеткізу – әрбіріміздің міндетіміз. Салт-дәстүріміз жаңғырып, қазақтың ұлттық құндылықтары мәңгі жасай берсін!