"ဓာတုကလျာ" (အစအဆုံး) စာရေးသူ - ရွှေစကြာဦးစိုးမြင့်

Описание: "ဓာတုကလျာ" (အစအဆုံး)
စာရေးသူ - ရွှေစကြာဦးစိုးမြင့်
စာဖတ်သူ - မြတ်လေးငုံ
ကြာချိန် - ၄ နာရီ ၃၆ မိနစ်

စာမြည်း
နတ်ရှင်နောင်၏ ဖွားသက္ကရာဇ်ကား ရာဇဝင်၌ မပါချေ။ သို့သော် ၉၇၄ ခုနှစ်၊ တန်ခူး လဆုတ် ၃ ရက်၊ စနေနေ့၊ သံလျင်တွင် တောင်ငူဘုရင် နတ်ရှင်နောင် နတ်ရွာစံကြောင်း၊ ထိုအခါ သက်တော် ၃၅ နှစ် ရှိပြီဖြစ်ကြောင်း ရာဇဝင်၌ အထင်အရှားပါ၏။ သို့ဖြစ်၍ နတ်ရှင်နောင်သည် ၉၃၉ ခုဖွားဖြစ်ကြောင်း သိရရာ ဓာတုကလျာထက် အသက်အားဖြင့် ၁၇ နှစ်ကျော်၊ ၁၈ နှစ်ငယ် ကြောင်း သိရပေ၏။ ဤအကြောင်းနှင့် ပတ်သက်၍ လွန်ခဲ့သော ၁ဝ နှစ်ကျော်က ကျွန်ုပ်ကိုယ်တိုင် ရဲသတင်းစာတွင် ဆောင်းပါးအဖြစ်နှင့် လည်းကောင်း၊ သူရိယမဂ္ဂဇင်းတွင် ဝတ္ထုတိုကလေးအဖြစ်နှင့်လည်းကောင်း ရှင်းပြခဲ့ဖူးပေကြောင်း။
ဤဝတ္ထု၌ ရေးသားထားပုံမှာ ရာဇဓာတုကလျာမင်းသမီး၏ အတ္ထုပ္ပတ္တိကို အမှန်ဖြစ်နိုင်သမျှဖြစ်အောင် ရာဇဝင်အစောင်စောင်နှင့် တိုက်ဆိုင်၍ ပျို့၊ ရတု၊ မှတ်တမ်းများနှင့်လည်း ကိုက်ညီအောင် ရာဇဝင် အချက်အဆစ်နှင့်လည်း သက္ကရာဇ်၊ နေ့စွဲကစ၍ မမှားရအောင် ကြိုးစား၍ ရေးသားထားပါကြောင်း၊ စင်စစ်အားဖြင့်ဆိုသော် ဤ “ဓာတုကလျာ” စာစောင်မှာ စိတ်ကူးဉာဏ်ဖြင့် ကြံစည်ပြုလုပ် ရေးသားထားသော ဝတ္ထုမျိုးမဟုတ်ဘဲ တကယ့်အဖြစ်အပျက်ကို ဇာတ်ကွက်၊ ဇာတ်လမ်းဆင်ကာ ဖတ်ရှုချင်စဖွယ်ဖြစ်အောင် ဝတ္ထုသဏ္ဌာန် ဖန်တီးထားသော ရာဇဝင် အတ္ထုပ္ပတ္တိထူးတစ်ခုဖြစ်ကြောင်း မှန်သည့်အတိုင်း ဖွင့်ဟဝန်ခံလိုက်ရပါသတည်း။ ရွှေစကြာ ၁၈-၃-၄၉

*ယခုအသံ file များကို ကြော်ငြာမပါဘဲ Mp3 နဲ့ ရယူချင်ပါက အဖွဲ့ဝင်ပြီး ရယူနိုင်ပါတယ်။
*အဖွဲ့ဝင်လိုပါက ဖော်ပြပါ 👇Link ထဲရှိ Messenger (သို့မဟုတ်) Viber မှတဆင့် စာပို့ဆက်သွယ်နိုင်ပါတယ်။

🔰 https://fliphtml5.com/site/13979096/i...
#lhaudiobooks #audiobooks
#မြန်မာဝတ္ထု #ဓာတုကလျာ