ተጋ.ሃይሉሽ ኣርኣያ ብሁራን ጓይላን ምስ ተዓለምቲ ፈደይቲ ሕነ

Описание: ካብ ጨከንካስ ብሰላም ዕረፍ ሃይሉሸይ።
ጽንዓት ንመላእ ቤተሰብ መሓዙት መሳርሕቲን ብጾትን
#ሓፂር ሂወት ታሪክ ስዉእ ጅግና ተጋዳላይ ስነ-ጥበባዊ #ሃ/ማርያም ኣርኣያ ዘሚኪኤልስዉእ ጅግና ተጋዳላይ ስነ-ጥበባዊ ሃ/ማርያም ኣርኣያ ዘሚኪኤል ካብ ኣቡኡ ቐሺ ኣርኣያ ዘሚኪኤል ካብ ኣዲኡ ወ/ሮ ኣስኳል ተካ ብዕለት 12/02/1991ዓ/ም ኣብ ክልል ትግራይ ዞባ ምብራቕ ወረዳ 2ተ ኣዉላዕሎ ጣብያ ኣ/ወ/ኣፅብሃ ቑሸት ዓዲ ኹላላ ወይከዓ ሰላም ተወሊዱ።ስዉእ ጅግና ተጋዳላይ ስነ-ጥበባዊ ሃ/ማርያም ኣርኣያ ዘሚኪኤል ዕድሚኡ ናብ ትምህርቲ ምስበፅሐ ካብ 1ይ ክሳብ 8ይ ኣብ ሙሉእ ቀደማይ ብርኪ ቤት ትምህርቲ ኣ/ወ/ኣፀብሃ ብዝለዓለ ፀብለልታ ተሸላሚ ብሙዃን ተማሂሩ። ብምቅፃል ድማ ካብ 9ይ ክፍሊ ክሳዕ 10ይ ክፍሊ ኣብ 2ይ ብርኪ ቤት ትምህርቲ ዉቅሮ ተማሂሩ። ካብ 11 ክሳብ 12 ክፍሊ ድማ ኣብ መሰናድኦ ቤት ትምህርቲ ዉቅሮ ኣጠናቂቁ። ብምቅፃል ብዝነበሮ ናይ ትምህርቲ ድልየት ካብ ኢትዮ ሌንስ ኮሌጅ ስርዓት ምሕደራ ፋይናንስ ወይድማ ኣካዉንቲንግ ብ2012ዓ/ም ብኤ ድግሪ ተመሪቑ። ጎናጎኒ ትምህርቱ ድማ ብዝነበሮ ፉሉይ ድልየት ሙዚቃን ዝተፈላለዩ ዓይነታት ኪነት ክንቀሳቀስ ድሕሪ ምፅናሕ ልፍንታዉያን ወረርቲ ኣብ ልዕሊ ተጋሩ ዝነበሮም ፅልኢት ብዝግባእ ብምርዳእ ነቲ ዝኣለምዎ ዘርኢ ናይ ምፅናት ኲናት ቀዲሙ ብምንቃሕ መስከረም 2012ዓ/ም ኣጆና ዘርእስታ ንህዝቢ ትግራይ ሓቦ፣ፅንዓትን ቆራፅነትን ተስንቕ ኣብ ዋዜማ እቲ ዘርኢ ናይ ምፅናት ኲናት ነፀላ ዜማ ናብ ህዝቢ ለቂቁ ነይሩ። ስዉእ ጅግና ተጋዳላይ ስነ-ጥበባዊ ሃ/ማርያም ኣርኣያ ዘሚኪኤል ኣብ 24/02/2013ዓ/ም ብዝወረደ ዘርኢ ናይ ምፅናት ኣዋጅ ካብ ዝተኣወጀሉ እዋን ጀሚሩ ህልኽን ወነን ብምሓዝ ኣነ እናሃለኩ ህዝቢ ትግራይ ኣይሰኮንን ኣዶ ትግራይ ኣይትነብዕን ሓፈተይ ኣይትድፈርን መንእሰይ ትግራይ ኣይሕረድን ብምባል ምስ ምክልኻል ሰራዊት ትግራይ ኾይኑ ብዕለት 25/04/2013ዓ/ም ናብ ከባቢ ኣፅቢ፣ በዓቲ ዓኾር፣ ፅጌሬዳ፣ ሓዉዜን ብምንቅስቃስ ሞራልን ስነ-ልቦናን ጀጋኑ ተጋደልቲ ኣብ ምህናፅን ምልዕዓልን ክሰርሕ ድሕሪ ምፅናሕ ልፍንታዉየን ወረርቲ ኣደታትና ደፊሮም ኣሕዋትና ቀቲሎም ከይኣክል ንዝቐተልዎም ኣሕዋታትና ኣሓትናን ሓመድ ድበ ከይረክቡ ድራር ኣሞራ ኩኾኑን ዝረአየ ስዉእ ጅግና ተጋዳላይ ኣርቲስት ሃ/ማርያም ኣርኣያ ዘሚኪኤል ሰላምታይ ይብፃሕኪ ኣደይ ካብ በረኻታት ትግራይ እትብል ኣብ በረኻ ኾይኑ ንኣዴታት ክብሪ ትገልፅ ነፀላ ዜማ ንካልኣይ ግዜ ለቂቁ።ብተወሳኺ ድማ ስዉእ ጅግና ተጋዳላይ ኣርቲስት ሃ/ማርያም ኣርኣያ ዘሚኪኤል ብዝነበሮ ፉሉይ ክእለት ኪነ-ጥበብ ነቲ ኩነታት ዝምጡኑን ዘለዓዕሉን ሙዚቃታት ማለት እዉን:- 1.“ንዒሩሩ ከላሽነይ” ናይ ተጋዳሊት ኣርቲስት ኤልሳ ወ/ጂወርጊስ ግጥምን ዜማን 2.“ኣደዋይ” ናይ ተጋዳሊት ኣርቲስት ኤልሳ ወ/ጂወርጊስ ግጥምን ዜማን ሰሪሑ እዩ። ካብ ናይ ቃልሲ ወፃኢ ዝሰረሖም ባህላዊ ሙዚቃ ድማ:-3. “ጓል ኣቦ ምህረይ” ናይ ድምፃዊ ሓጎስ ገ/መድህን ነፀላ ዜማ ግጥምን ዜማን 4. “ተመችዩኒ” ናይ ድምፃዊ ቢንያም የዉሃንስ ነፀላ ዜማ ግጥምን ዜማን5. “ረኣይዋ” ናይ ድምፃዊት እዮርሳሌን ግሩም ነፀላ ዜማ ግጥምን ዜማን ካልኦትን ሰሪሑ እዩ።ስዉእ ጅግና ተጋዳላይ ኣርቲስት ሃ/ማርያም ኣርኣያ ዘሚኪኤል ኣቦ ክራር እንትኸዉን ካብ ክራር ብተወሳኺ ድማ ፒያኖ፣ኦርጋን፣ ጊታር፣ ጭራ ዘኣመሰሉን ካልኦትን ናይ ሙዚቃ መሰራሕታት ይፃወትን ይዕጅብን ነይሩ።ብዕለት 01/13/2013ዓ/ም ኣብ መስልጠኒ ማእኸል ኣጉላዕ ብምእታዉ ኩለ መዳይ ስልጠና ማለት እዉን ወታደራዉን ፖለቲካዉን ክእለት ብምዉናን ምስ ንእስቲ ሓፍቱ ዋዕሮ ተጋዳሊት ኣስቴር ኣርኣያ ዘሚካኤል ብሙዃን ናብ ሓይልታት ምክልካል ሰራዊት ትግራይ ኣካል እቲ ቃልሲ ኮይኑ ክፅንበር ኪኢሉ እዩ። ስዉእ ጅግና ተጋዳላይ ኣርቲስት ሃ/ማርያም ኣርኣያ ዘሚኪኤል ካብ ምብራቃዊ ዞባ ማእከል መሰልጠኒ ኣጉላዕ ናብ ኣርሚ 42 ኮር 3 ክ/ሰራዊት ሓየሎም ሬጅመንት 1 ሓይሊ 1 ብዕለት 12/02/2014ዓ/ም ኣብ ከባቢ ዓፋር ተፀንቢሩ።ስዉእ ጅግና ተጋዳላይ ኣርቲስት ሃ/ማርያም ኣርኣያ ዘሚኪኤል ድሕሪ ናብ ክ/ሰራዊት ሓየሎም ስታፍ ኮይኑ ምፅንባሩ ሓደ ኢሉ ኣብ ዉግእ ካብ ዝተሳተፈሉ ዓዉደ ግንባራት ካብ ባሕሪ ብጭልፋ ከምዝበሃል ኣብ ኪባቢታት ካሳጊታ፣ ሃራ፣ ሃርቡ፣ድሬ ሉቃ፣ ጭፍራ፣ ቡርቃ፣ ሚለ፣ ባቲ፣ ብጅግንነት ተዋጊኡ ምስ ብፆቱ ብምዃን ብዓወት መሰሰ ዝበለሎም ዓዉደ ዉግኣት እዮም።ስዉእ ጅግና ተጋዳላይ ኣርቲስት ሃ/ማርያም ኣርኣያ ዘሚኪኤል ሰራዊት ትግራይ ብዝገበሮ ናይ ቃልሲ ለዉጢ ካብ ደብረብርሃን ንድሕሪት ክምለሱ ብዝወረደሎም መደብ መሰረት ምስ ፀላኢ ክሳድ ንክሳድ እናተሓናነቁ ብጅግንነት መልሲ ኣብዝገብርሉ ግዜ ኣብ ከባቢ ቆቦ ዘዉል እናተብሃለ ዝፅዋዕ ሃንደበት ካብ ፀላኢ ብዝተተኮሰ ናይ ድሮን(ሰብ ኣልባ ነፋሪት) ብዕለት 02/04/2014ዓ/ም ሰዓት 4:00 ቅድሚ ቀትሪ ኣብ መበል 23 ዓመቱ ምእንተ ዓዱን ምእንቲ ህዝቢ ትግራይን ኣብዛ ሓላፊት ዓለም ዘይሓልፍን ዘይሃስስን ድሙቅ ታሪክ ብደሙ ፂሒፉ ክቡር መስዋእቲ ከፊሉ እዩ።ናይ ስዉእ ጅግና ተጋዳላይ ኣርቲስት ሃ/ማርያም ኣርኣያ ዘሚኪኤል ስነ-ስርዓት ቀብሩ ድማ ኣብ መቃብር ሓርበኛታት ኣላማጣ እንዳዮሱስ ቤተ-ክርስትያን ብክብሪ ዓሪፉ እዩ።ስዉእ ጅግና ተጋዳላይ ኣርቲስት ሃ/ማርያም ኣርኣያ ዘሚኪኤል ብመጠኑ ሰሓቅን ተፃዋትን ትሑት መክበሪ ሰብ ፈታዊ ዓዱ፣ ወለዱ፣ ኣሕዋቱ፣ኣዕርኹቱን መታዓቢቱን ነይሩ። ንስዉእ ጅግና ተጋዳላይ ኣርቲስት ሃ/ማርያም ኣርያኣ ዘሚኪኤል ፅርሃ ኣርያም መንግስተ ሰማያት የዋርሶ።ንመላእ ቤተሰቡን መታዓቢቱን ፈተዉቱን ብፆቱን ፅንዓት ይሃብኩምጅግና ታሪክ ይሰርሕ እንበር ኣይነብርን!ክብርን ሞጎስን ምእንቲ ህዝቦምን ዓዶምን ኢሎም ክቡር ሂወቶም ዝገበሩ ጀጋኑ ሰማእታትና።