မြင်းခြံခရိုင် တော်လှန်ရေးတပ်ဖွဲ့ ၇ဖွဲ့ပေါင်းပြီး အထူးလှုပ်ရှားစစ်ကြောင်း ဖွဲ့စည်း| People's Spring

Описание: မြင်းခြံခရိုင် တော်လှန်ရေးတပ်ဖွဲ့ ၇ဖွဲ့ပေါင်းပြီး အထူးလှုပ်ရှားစစ်ကြောင်း ဖွဲ့စည်း

နိုဝင်ဘာ-၂၉၊ ၂၀၂၅။ People's Spring

တော်လှန်ရေးအားကောင်းတဲ့ မန္တလေးတိုင်း၊ မြင်းခြံခရိုင်အတွင်းက တော်လှန်ရေးတပ်ဖွဲ့ ၇ဖွဲ့ပူးပေါင်းပြီး အထူးလှုပ်ရှားစစ်ကြောင်းအဖြစ် ဖွဲ့စည်းလိုက်ပါတယ်။

မြင်းခြံခရိုင်အတွင်း ပြန့်ကြဲနေတဲ့ တပ်ရင်း၊ တပ်ဖွဲ့တွေက စစ်ရေးဖော်ဆောင်နိုင်ဖို့နဲ့ ခရိုင်အတွင်း စစ်အုပ်စုကို တိုက်ခိုက်နိုင်ဖို့၊ ဒေသတွင်းကပြည်သူတွေရဲ့ အသက်အိုးအိမ်တွေကို ကာကွယ်နိုင်ဖို့ မြင်းခြံခရိုင်အထူးလှုပ်ရှားစစ်ကြောင်းကို ဖွဲ့စည်းလိုက်တယ်လို့ တော်လှန်ရေးအဖွဲ့တွေက မနေ့ညပိုင်းက ထုတ်ပြန်ကြေညာပါတယ်။

မြင်းခြံခရိုင်ခရိုင်အထူးလှုပ်ရှားစစ်ကြောင်းမှာ မြင်းခြံ၊ တောင်သာ၊ နွားထိုးကြီး၊ ငါန်းဇွန် မြို့နယ်တွေက အဖွဲ့တွေဖြစ်တဲ့ Natogyi People Defence Force-NPDF၊ Taung Tha People Defence Force-TTA PDF၊ Natogyi Guerrilla Force-NGF၊ Myingyan Black Tiger-MBT၊ Onemore Column၊Ngazun PDF၊ ငါန်းဇွန်မီးနဂါး တပ်ဖွဲ့၊ အားမာန်သစ် ပြောက်ကျားတပ်ဖွဲ့တို့ ပူးပေါင်းပါဝင်တယ်လို့ သိရပါတယ်။

Myingyan Black Tiger-MBTတပ်ဖွဲ့ခေါင်းဆောင် ဗိုလ်မိုက်ခဲက စည်းလုံးမှုနဲ့သွားတာကတော့ အားလုံးနီးပါးကောင်းလာနိုင်ပြီး စစ်ရေးကော ၊ နိုင်ငံရေးကော ပြည်သူလူထုကို ကာကွယ်စောင့်ရှောက်ရေးကော အကောင်းဆုံး ကြိုးစားသွားမှာဖြစ်တယ်လို့ ပြောပါတယ်။

အဲဒီတပ်ရင်း၊တပ်ဖွဲ့တွေထဲက တပ်ဖွဲ့ဝင်တွေကို စုဖွဲ့လေ့ကျင့်ပြင်ဆင်တဲ့ လုပ်ငန်းစဉ်တွေလည်း ပြီးမြောက်ခဲ့ပြီး လက်ရှိ ကြေညာချက်ထုတ်ချိန်ကစလို့ ခရိုင်အတွင်းက ရှေ့တန်းစစ်မြေပြင်တွေဆီမှာ ဒေသတွင်းတော်လှန်ရေးတပ်တွေနဲ့ ဟန်ချက်ညီညီ ပူးပေါင်းတိုက်ခိုက်သွားမှာဖြစ်တယ်လို့ မြင်းခြံခရိုင်အထူးလှုပ်ရှားစစ်ကြောင်းက အသိပေးပါတယ်။

ဒါ့အပြင် ခရိုင်အတွင်းစစ်ရေးအရှိန်မြှင့်တင်နိုင်ဖို့နဲ့ စစ်အာဏာရှင်အမြစ်ပြတ်ချေမှုန်းရေးအတွက် ပူးပေါင်းတိုက်ခိုက်လိုတဲ့ လက်နက်ကိုင်တပ်ဖွဲ့တွေကိုလည်း မြင်းခြံခရိုင်အထူးလှုပ်ရှားစစ်ကြောင်းက ကြိုဆိုနေတယ်လို့ အသိပေးထားပါတယ်။

နွေဦးတော်လှန်ရေးမှာ မြင်းခြံခရိုင်ဟာ အာဏာသိမ်းစစ်တပ်ကို အစောဆုံးလက်နက်ကိုင်တော်လှန်ခဲ့တဲ့ ဒေသတွေထဲ ပါဝင်ပြီး မြို့သိမ်းတိုက်ပွဲတွေအထိ ဖြစ်ပေါ်စေခဲ့တဲ့ ဒေသတစ်ခုဖြစ်ပါတယ်။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

  / subscribe  
𝗬𝗼𝘂𝗧𝘂𝗯𝗲 -    / @peoplespring  
𝗙𝗮𝗰𝗲𝗯𝗼𝗼𝗸 -   / ludunwayoo  
𝗪𝗲𝗯𝘀𝗶𝘁𝗲 - https://www.ludunwayoo.com/
𝗧𝗲𝗹𝗲𝗴𝗿𝗮𝗺 - https://t.me/peoplespring

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA