LGBT në Shqipëri në diskriminim, Ksera: Ndryshimi i mentalitetit do kohë-(28 Korrik 2011)

Описание: Lajme Arkiva 2011

Shoqëria shqiptare ende ka paragjykime përsa i përket orientimit seksual.

Në disa raste, ky paragjykim ka çuar edhe në diskrimin e këtij komuniteti që në vendin tonë akoma nuk pranohet nga shoqëria.

Kjo u bë e ditur nga Ministri i Punës dhe Çështjeve Sociale Spiro Ksera gjatë një tryezë për mbrojtjen e të drejtave kundër diskriminimit, bazuar në orientimin seksual dhe identitetin gjinor.

Spiro Ksera: “Respektimi i të drejtave të grupeve vulnerabël, por sidomos për këtë grup, janë çështje për të cilat shoqëria shqiptare ka nevojë të informohet, të njihet e të ndryshojë mentalitet. Megjithëse Kushtetuta e Republikës së Shqipërisë garanton të drejtat dhe liritë e çdo personi ky komunitet ka momente që përjeton diskriminim dhe intolerancë, të cilat ndeshen brenda familjeve për të vazhduar në shoqëri, ambientet e punës, shkollës e jetën publike në përgjithësi”.

Ambasadori holandez e cilësoi diskriminimin seksual që ndodh në Shqipëri, një gabim në kontekstin evropian, ndërsa përfaqësuesja e delegacionit evropian në Shqipëri, rikujtoi se një nga pikat që duhet të përmbushë vendi ynë për të hyrë në Bashkimin Evropian është pikërisht mosdiskriminimi.

Van Den Dool: “Gjatë tre viteve të mandatit tim në Shqipëri kam kërkuar shpeshherë vëmendjen për të drejtat e minoriteteve seksuale këtu. Shumë herë kam kërkuar të shpjegoj se sa gabim është që të diskriminosh njerëzit nga pikëpamjet e tyre seksuale, fënë apo bindjet politike. Diskriminimi është gabim në kontekstin njerëzor, është gabim në kontekstin e barazisë dhe gabim në kontekstin evropian”.

Andrea Chalupova: “Janë 12 prioritete të vëna nga Komisioni Evropian, një nga të cilat është mbrojtja e të drejtave të njeriut. Ne vëmë theksin në mbrojtjen ndaj diskriminimit. Një pjesë që duhet riparë është mbrojtja e minoriteteve seksuale. Bashkimi Evropian shpreson dhe do të mbështetë Shqipërinë në këtë proces”.

Komisionerja për Mbrojtje nga Diskriminimi u shpreh se me ligjin kundër diskriminimit Shqipëria ka bërë një hap përpara në përafrimin e ligjit me direktivat evropiane./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/