சின்ன வெங்காயத்தில்!! கூடுதலாக 45% அசுர மகசூல் திண்டுக்கல் விவசாயி தமிழ்வாணன்

Описание: சின்ன வெங்காயம்
பெரிய இலாபம்

திண்டுக்கல் மாவட்டம் வேடசந்தூர் அருகே கோட்டூர் கிராமத்தில் இயற்கை விவசாயம் செய்து வரும் திரு தமிழ்வாணன் அவர்கள், வேளாண்பொறியாளர் திரு. பிரிட்டோராஜ் அவர்களின் ஆலோசனையின் படி ஒரு ஏக்கரில் சின்ன வெங்காயம்.சாகுபடி செய்தார்.

கெமிக்கல் விவசாயத்தை காட்டிலும் இடுபொருட்கள் செலவு குறைக்கப்பட்டு 45 சதவீதம் அதிகப்படியான மகசூல் எடுத்துள்ளார்.

திரு தமிழ்வாணன் அவர்களுடன் நடத்தப்பெற்ற நேர்காணல் வீடியோ புதிய விவசாயிகளுக்கு ஒரு தன்னம்பிக்கை அளிக்கும் என்பதில் எவ்வித மாற்று கருத்தும் இல்லை.

வாழ்த்துக்களுடன்
நீர் மேலாண்மையும் பண்ணை மேம்பாடும் டெலிகிராம் குழு




இயற்கை முறையில் விதை வெங்காயத்தை நேரடியாக நட்டு சின்ன வெங்காயம் சாகுபடி (65 நாட்கள்) செய்வதற்கான உத்தேச நாள் வாரியாக அட்டவணை*:

அடியுரமாக ஒரு ஏக்கருக்கு  4 டிராக்டரில் லோடு மக்கிய தொழு உரம் ,
2 கிலோ சூடோமோனஸ்,
2 கிலோ பேசிலோமைசிஸ்
2 கிலோ பாஸ்போபாக்டீரியா
75 கிலோ சாம்பல்
50 கிலோ வேப்பம் புண்ணாக்கு
2 கிலோ வாம்
கொடுப்பது நல்லது.

வளர்ச்சி ஊக்கி அளிப்பு அட்டவணை 

முதல் நாள்:
உயிர் தண்ணீருடன் ஒரு ஏக்கருக்கு ஒரு லிட்டர் சூடோமொனாஸ் +1 லிட்டர் இ.எம் கரைசல் கலந்து தரைவழி பாசனத்துடன் தரவும்.

ஐந்தாவது நாள்
10 லிட்டர் தண்ணீருக்கு 100 மில்லி பஞ்சகாவியா அல்லது இ.எம் கரைசல் அல்லது மீன் அமிலம் கலந்து மாலையில் தெளிக்கலாம்.

நடவு செய்த 10ம் நாள்
200 லிட் தண்ணீரில் 2 லிட் மீன அமிலம் அல்லது இஎம் கரைசல் அல்லது பஞ்சகாவியா உடன் 2 கிலோ வாம் பவுடரை பாசனத்துடன் கலந்து தரைவழி தரவும்.

15 வதுநாள்
10 லிட்டர் தண்ணீருக்கு 100 மில்லி பஞ்சகாவியா அல்லது இ.எம் கரைசல் அல்லது மீன் அமிலம் கலந்து மாலையில் தெளிக்கலாம்.

நடவு செய்த 20 ம் நாள்
ஜீவாமிர்தம் ஒரு ஏக்கருக்கு 200 லிட்டர்+ 1 லிட் டிரைக்கோ டேர்மா விரிடி தரைவழி தரவும். 10 லிட்டர் தண்ணீருக்கு 75 மில்லி வேர்டீசீலீயும் லகானி+ 50 ml சூடோமோனாஸ் கலந்து மாலை வேளையில் தெளிக்கலாம்

25 வதுநாள்
10 லிட்டர் தண்ணீருக்கு 100 மில்லி பஞ்சகாவியா அல்லது இ.எம் கரைசல் அல்லது மீன் அமிலம் கலந்து மாலையில் தெளிக்கலாம்.

30ம் நாள் 
மாலையில்  2 லிட்டர் மீன் அமிலம் + ஒரு லிட்டர் பாஸ்வோ பாக்டீரியா கலந்து தரைவழி தரவும்.

35 வதுநாள்
10 லிட்டர் தண்ணீருக்கு 100 மில்லி பஞ்சகாவியா அல்லது இ.எம் கரைசல் அல்லது மீன் அமிலம் கலந்து மாலையில் தெளிக்கலாம்.

40 ம் நாள் 
மாலையில்  2 லிட்டர் மீன் அமிலம் + ஒரு லிட்டர் பாஸ்வோ பாக்டீரியா+ ஒரு லிட்டர் ரைசோபியம் கலந்து தரைவழி தரவும்.

45 வதுநாள்
10 லிட்டர் தண்ணீருக்கு 100 மில்லி பஞ்சகாவியா அல்லது இ.எம் கரைசல் அல்லது மீன் அமிலம் கலந்து மாலையில் தெளிக்கலாம்.

50ம் நாள் 
பஞ்சகாவிய  200 ml per 10 liter tank spray செய்யவும் . மாலையில்  2 லிட்டர் மீன் அமிலம் + ஒரு லிட்டர் பாஸ்வோ பாக்டீரியா+ ஒரு லிட்டர் ரைசோபியம் கலந்து தரைவழி தரவும்.

55 வதுநாள்
10 லிட்டர் தண்ணீருக்கு 100 மில்லி பஞ்சகாவியா அல்லது இ.எம் கரைசல் அல்லது மீன் அமிலம் கலந்து மாலையில் தெளிக்கலாம்.

60ம் நாள் 
பஞ்சகாவிய  200 ml per 10 liter tank spray செய்யவும் . மாலையில்  2 லிட்டர் மீன் அமிலம் + ஒரு லிட்டர் பாஸ்வோ பாக்டீரியா+ ஒரு லிட்டர் ரைசோபியம் கலந்து தரைவழி தரவும்.

அடி உரத்துடன் பவுடராக இருந்தால் சூடோமோனாஸ் 2 கிலோ பவுடரும் திரவமாக இருந்தால் ஒரு லிட்டரும் கலந்து கொடுப்பது நல்லது.

பத்து நாட்களுக்கு ஒரு முறை ஒரு ஏக்கருக்கு ஒரு லிட்டர் ட்ரைக்கோ டெர்மா விரிடி மற்றும் ஒரு லிட்டர் பாசிலோ மைசஸ் 200 லிட் தண்ணீருடன் கலந்து தரைவழி பாசனத்துடன் தரலாம்.

வேர் கரையான் வரும் பகுதி என்றால் ஒரு லிட்டர் மெட்டாரைசியம் தரைவழி தரலாம்.

மண்ணின் தன்மைக்கு ஏற்ப ஒரு முறை பாசனம் செய்தால் அந்த பாசன நீர் முற்றிலுமாக காய்ந்த பின்பு அடுத்த பாசனம் செய்யவும்.

நிலத்தின் நீர் கொள்ளும் தன்மைக்கேற்ப அதிக நாள் இடைவெளியுடன் குறைந்த அளவு தண்ணீரை காலை நேரத்தில் பாய்ச்சுவது நல்லது.

பிரிட்டோ ராஜ்
வேளாண் பொறியாளர்