Humble. D - 失意 [ Audio ]

Описание: #辛血 #San1Hyut3 #hiphop #說唱 #廣東話 #rap #hiphopmusic #rapmusic #rap #rapper

Humble. D - 失意 [ Audio ]

一般而言，我唔希望喺一首歌嘅下邊打太多caption，因為太多嘅文字，可能會令首歌失去原汁原味嘅感覺，但呢首歌比較特別，我好希望同各位略述呢首歌嘅創作背景同埋固中嘅意味。第一次寫呢首歌嘅時候，係我一位朋友入獄，如題，係感覺最失意嘅時候所寫。而其後遇到樽頸，暫別左呢首歌一段時間，一直到我被拘捕，喺48小時後保釋出黎，經歷又一次失意嘅時候，先有靈感完成呢首歌。時至今日，呢首歌已經準備發佈，而我已經喺監獄入邊經歷緊人生最失意嘅一段時間。喺我失去自由嘅兩段時間，我深深明白到被愛並唔係理所當然，我並冇好好去珍惜我所擁有一切。尤其係你最失意最落泊嘅時候，佢哋仍然對你愛護有加，支撐着你。所以我好希望聽緊呢首歌嘅所有人可以藉住呢首歌去關心所有你珍惜（未曾珍惜）以及珍惜你嘅家人、伴侶、朋友。人生入邊，我哋總會有無數個失意嘅瞬間，落淚嘅時刻，又或者係想放棄，自我懷疑嘅時刻。但生活唔會因為我哋嘅失意而停止，新嘅挑戰，壓力依然會接踵而至。正因為咁我好希望呢首歌可以大髀每一個失意嘅你，有面對呢個世界嘅勇氣。

Music Production -
Lyricist | Humble. D
Mixing/ Mastering Engineer | Autumn

Video Production -
D.O.P | 2smile
Editor | GWAI2

Instagram -
辛 血 ＠san1hyut3

Lyrics -

Hey man 人生總有D失意
你都曾經咁得意 孟獲都比人放緃7次
人生高低嘅起伏 最後只不過係個紀錄
我地都只係考生 唔好死讀
人生都只係一場筆試

人生冇一個標準 答案比你去選擇
就算你份人真係好Q蠢
自己嘅選擇 冇得去轉責
有小聰明嘅你 唔代表你少聰明
如果你睇得透通明 世界夠公平
根本冇徢徑 Hustle and grind 係唯一 解
唔好亂答 my bro

我希望所有人都邁步 實現夢一切安好
我希望可以同劉子頎 一齊攜手打破呢一個謊島
我希望大麻 合法化 唔要冇自由 入冊啊
然後同my homie 大stone而 太鬆馳
化身為神農氏品嚐盡世間嘅芳草

我明白好多人 為現在垂頭又喪氣 好撚想放棄
但請你堅持 先至 會有明天
而明天 將會係晴天
你要謹記 搵你 愛嘅每一個
佢地 等你 忍你 對你很不錯
生存嘅意義就係要去追求
世間嘅美好 仲有上萬成千

現實總有阻滯 邊有所謂一帆風順嘅夢想
咁先顯出夢想可貴 靠自己雙手爭取
從來都唔用搶
零分定成真要靠自己 窮人被鯨吞就較易死
我希望 貧和富 塵同惡 都消失
善良同 愛可以 無私地 共享

做人要humble 專一地深造
無事就要切忌無風起浪
希望係甘露 踏上咗真道
幾多人會氣餒途中死亡
當你唔再在意分數
存在主義其實唔深奧
命運只係一個因數 向上帝申訴
反抗命 先去到 成功彼岸

戰 我話我寫咗首歌
如果你聽到就好啦
見到你同森仔嘅笑容
我就明依家只係個逗號啊
變 我地都變咗好多
007、美食家就黎要出發
約定你 我地要相期邈雲漢
健康平安 直到你出冊

Damn
I miss you man
原來生活嘅意義 就係不停地失去Friend
Life is a game
成功同失敗拆唔開 永遠都一對
就好似世界嘅一切 觀點同角度都只係相對
就好似即使我有幾咁不濟
我嘅父母都總係用愛去相對

將最好嘅留比我
但差嘅 巴嘅 留比自己
傷佢地心幾多次
知你地想我惹少啲是非
相距目標仲有好遠
但今次我已經唔再係兒禧
你地可以叫我Humble D係我嘅意志
唔代表自卑

呢首歌想送比所有為生活所奔波 hustle嘅靈魂
呢首歌想送比被現實所吞沒
被逼成長不再年少嘅「成人」
可能你岩岩工作直到凌晨
失去你情人 不甘為平民
但你要記住 你先至係 呢套戲嘅主角
就好似鳴人

老師教你嘅嘢唔一定岩
至少佢冇教你社會係貪
做男人最緊要學識承擔
唔屬於你嘅就唔好去貪
係你嘅點都要起身去爭
即使你面對係火海刀山
再高嘅山兄弟一齊去攀
攰嘅話記得你有屋企返

父母講嘅道理未必咁岩聽
可能會哽耳 未必係真
青春期重朋友 比唔上班Friend
年少嘅真摰比屋企親
但係你受怕又擔驚
軟弱同患病 唔再咁硬淨
得佢地照顧你爛命
所以你要尊重 唔好令佢哋對你死心

因為人總犯賤 失去咗先學識 乜嘢係珍惜
經歷過人心嘅假
虛偽嘅話 比人戲耍
先獲益乜嘢係真跡
物慾又橫流嘅社會
充斥住致富嘅公式 元夕嘅燈飾
但你要知足 要記住真正愛你嘅
同你愛嘅先至係金色