პრემიერ-მინისტრმა ქობულეთის შემოვლითი გზის მეორე, 18 კილომეტრიანი მონაკვეთი გახსნა

Описание: „დღეს დასრულდა ჩვენი ქვეყნის ინფრასტრუქტურული განვითარებისთვის ძალიან მნიშვნელოვანი პროექტი. ვხსნით აღმოსავლეთ-დასავლეთის ჩქაროსნული ავტომაგისტრალის ერთ-ერთ უმნიშვნელოვანეს მონაკვეთს, რომელიც, ამავე დროს, ისტორიული „აბრეშუმის გზის“ შემადგენელი ნაწილია. ქობულეთის შემოვლითი გზის მეორე, 18 კილომეტრიანი მონაკვეთის მშენებლობა დასრულებულია. დღეიდან, სატრანზიტო მოძრაობა ქობულეთის ზღვისპირა ზოლიდან ამ, ახალ გზაზე გადაერთვება. ეს გახლავთ 32 კილომეტრიანი გზა 2 გვირაბითა და 15 ხიდით. მათ შორისაა, საქართველოში ყველაზე გრძელი ხიდი, რომლის სიგრძე, თითქმის, 1200 მეტრი გახლავთ,"- ამის შესახებ საქართველოს პრემიერ-მინისტრმა ქობულეთის შემოვლითი გზის მეორე მონაკვეთის გახსნის ღონისძიებაზე განაცხადა.