ការពង្រឹងវិជ្ជាជីវៈព័ត៌មានតាមរយៈការបណ្តុះបណ្តាលសមត្ថភាពដល់អ្នកសារព័ត៌មានឲ្យបានរឹងមាំគឺជាផ្នែកមួយ...

Описание: ក្នុងវេទិកានិពន្ធនាយកសារព័ត៌មានកម្ពុជាស្ដីពីវិជ្ជាជីវៈសារព័ត៌មាននិងការបញ្ចេញមតិលើកទី២១ដែលរៀបចំដោយក្លិបអ្នកកាសែតកម្ពុជាដែលចូលរួមដោយស្ថាប័នអង្គភាពសារព័ត៌មាននានាកាលពីថ្ងៃទី២១ខែធ្នូឆ្នាំ២០២៤នេះនៅសណ្ឋាគារសុខាភ្នំពេញប្រធានក្លិបអ្នកកាសែតកម្ពុជាលោកពុយ គាលើកឡើងថាថាវិជ្ជាជីវៈសារព័ត៌មាននៅតែជាប្រការសំខាន់ដែលត្រូវយកចិត្តទុកដាក់បន្តពង្រឹង
ដើម្បីការពារតម្លៃសារព័ត៌មានអាជីពនិងរក្សាបាននូវទំនុកចិត្តរបស់មហាជន។លោកបន្តថាវេទិកានេះផ្ដល់នូវឱកាសជួបជុំពិភាក្សាដល់ថ្នាក់ដឹកនាំស្ថាប័នសារព័ត៌មាននិពន្ធនាយកនិងអ្នកសារព័ត៌មានធ្វើការផ្លាស់ប្ដូរយោបល់ចែករំលែកបទពិសោធស្វែងរកដំណោះស្រាយបញ្ហាប្រឈមនិងរៀបចំយន្តការសម្រាប់អនុវត្តក្នុងគោលបំណងលើកកម្ពស់សិទ្ធិសេរីភាពខាងសារព័ត៌មានតាមគោលការណ៍លទ្ធិ
ប្រជាធិបតេយ្យនិងការទទួលខុសត្រូវវិជ្ជាជីវៈដើម្បីរក្សាសណ្ដាប់ធ្នាប់វិស័យព័ត៌មានសន្តិសុខព័ត៌មាននិងសេរីភាពសារព័ត៌មាននៅព្រះរាជាណាចក្រកម្ពុជា។ជាមួយគ្នានោះឯកឧត្តម កឹម គុណវឌ្ឍរដ្ឋលេខាធិការក្រសួងព័ត៌មានបានអានសារលិខិតរបស់សម្តេចមហាបវរធិបតីហ៊ុនម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជាផ្ញើជូនវេទិកានិពន្ធនាយកសារព័ត៌មានកម្ពុជាលលើកទី២១។
ជុំវិញវេទិកានេះឯកឧត្តមនេត្រ ភក្ត្រារដ្ឋមន្ត្រីក្រសួងព័ត៌មានបានមានប្រសាសន៍ថាបញ្ជាក់ថាការពង្រឹងវិជ្ជាជីវៈសារព័ត៌មានតាមរយៈការបណ្តុះបណ្តាលសមត្ថភាពដល់អ្នកសារព័ត៌មានឲ្យបានរឹងមាំគឺជាផ្នែកមួយយ៉ាងសំខាន់ក្នុងការចូលរួមប្រយុទ្ធប្រឆាំងព័ត៌មានក្លែងក្លាយឲ្យមានប្រសិទ្ធិភាព។ទាក់ទងទៅវិធានបទសម្រាប់វេទិកានិពន្ធនាយកសារព័ត៌មានកម្ពុជាលើកទី២១នេះដែរឯកឧត្តមបានលើកទឹកចិត្តដល់សមាគមសារព័ត៌មាននានានិងផ្នែកពាក់ព័ន្ធលើការងារសារព័ត៌មានបន្តធ្វើការបណ្តុះ បណ្តាលដល់អ្នកសារព័ត៌មាន ដែលមានចំនួនច្រើន បានយល់ដឹងច្បាស់អ្វីទៅដែលហៅថាក្រមសីលធម៍វិជ្ជាជីវៈសារព័ត៌មានអ្វីទៅដែលជាសេរីភាពក្នុងការបញ្ជេញមតិ ដើម្បីឲ្យអ្នកសារព័ត៌មានរួចផុតពីការប្រឈមចំពោះមុខច្បាប់ ។
……(ប្រសាសន៍ឯកឧត្តមនេត្រភក្ត្រា)……
វេទិកានិពន្ធនាយកសារព័ត៌មានកម្ពុជាឬ(វ.ន.ស.ក.)លើកទី២១បានលើកយក “វិជ្ជាជីវៈសារព័ត៌មាន និងការបញ្ចេញមតិ”មកពិភាក្សានិងបានអនុម័តសេចក្តីថ្លែងការណ៍រួមដែលមានខ្លឹមសារចំនួន១១ចំណុច។វេទិកានិពន្ធនាយកសារព័ត៌មានកម្ពុជាក៏បានគាំទ្រនិងគោរពថ្លែងអំណរគុណគោរពជូនសម្តេចអគ្គមហា
សេនាបតីតេជោ ហ៊ុន សែន អតីតនាយករដ្ឋមន្រ្តីនិងសម្តេចមហាបវរធិបតីហ៊ុន ម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជាដែលតែងតែផ្តល់តម្លៃដល់វេទិកានិពន្ធនាយកសារព័ត៌មានកម្ពុជា ៕