#አዲስ

Описание: ነጃሺ

ታሪኩን እናውሳው

ውድ ቤተሰቦች የአስሀመቱ አነጃሺን ታሪክ አጅግ በጣም በጥቂቱ ዳሰና ስለሚከታተሉን ቻናሉን ስለሚያበረቱቱም እናመሰግናለን

መልካም ቆይታ

ለኛ ረሱለሏህ፣ ተጭኖለት ዘውዱን
ከሒራ ወጡና፣ ዘረጉት ተውሂዱን

የኢማን ነፀብራቅ፣ ሲስተጋባ ጮራው
የድቅድቁን ፅልመት፣ ሰንጥቆ ቢያበራው
 
ሰዎች ሲያምኑ ቢያዩ፣ ነቢዩን ሲመርጡ
የመካ ሙሽሪኮች፣ እረፍት እንቅልፍ አጡ
     
ከበደል ሰገባ፣ ግፍ እዬመዘዙ     
ያመኑ አስሃቦችን፣ መቅጣት መግደል ያዙ

ረህመተል አለሚን፣ አዛኙ ረሱሉ
ሚረግፈውን ሃዘን፣ ግፉን ሲያስተውሉ፣
አስሃቦችን ጠርተው፣ አዛኙ እንዲህ አሉ

አሏህ በሻተው ቀን፣ ድል እስኪያጎናፅፈን
እስኪያሰባስበን፣ ስቃይ ጭንቁን አልፈን
    
ሚስጥሯን አውቄው፣ መሪዋን ንጉሷን
ለናንተ ምርጦቹም፣ መርጫለሁ እሷን፣
      
ባንድ እስኪያገናኘን፣ ጌታው አሏህ ሲሻ
   ምርጫየ ናትና፣ ሂዱ ወዳበሻ፣
  
ሂዱ ወዳበሻ
ወደ ሲድቋ መሬት፣ ወደውነቷ ምድር
የለምና በሷ
ሲበደል የሚውል፣ ፍትህ አጥቶ ሚያድር 

ጸአዳዋ እውነት፣ ፍትህ ሆኗል መልኳ
ምክኒያቱም ነጃሺ ነው ንጉስ መሊኳ፣

ነጃሺ


እውነተኛ ንጉስ
የጠላቱ ብዛት፣ ከአሃዝ ቢበልጥም
እንኳን ልቡን ቀርቶ፣ እጁንም አይሰጥም

ግን የሐቁ ጮራ፣ ካበራ ፈንጥቆ
ጽልመትን አይመርጥም፣ ደማቅ ጸሃይ ንቆ

አታይም ንጉሱን፣ ያን የጥቁር ፈርጡን
ጥላቻውን ንዶ፣ ፍቅርን ማስበለጡን
።።።።።
ማይደልለው ጥቅም፣ ታማኝ ለቃሉ ሟች
እሱን ማወቅ ቀርቶ፣ እስኪ ማን ነው ገማች

እንግዳን ተቀባይ፣ ፍትህ ባደባባይ
መች ይሄው ብቻ ነው፣ የነጃሺይ አርማ
ልቡ ሚስጥር አዝሏል፣ ና ቀርበህ ስማማ

በሶሀቦቻቸው በደል ሲበረታ
ወደ ሃገራችን፣ የላኳቸው ለታ

ወደ ነጃሺ ዘንድ፣ ጀዕፈር ተጠጉና
ጥቂት ቢነግሯቸው፣ ስለኛው ነቢና
ኢማን ፍቅር ብርሃን፣ ካፍታ ቢስተጋባ
ይጠመቅ ጀመረ፣ ፊታቸው በእንባ

የሙስጦፋ ፍቅር፣ ገብቶ በደም ስጋው
ከዙፋን አውርዶ፣ መሬት ላይ ዘረጋው
።።።።።

ታዲያ ያንን ጀማል፣ ስለዚያ ሙሉ ሰው
ባይኑ ባያይ እንኳ፣ ጆሮው ከደረሰው
ጅማሮው ነውንጂ ፣መንሰቅሰቅ ማልቀሱ
ጠለቅ ያሉማ እንደሁ፣ ሞትም ያንሳል ለሱ
።።።።
።።።።።።

መገን ፍቅሩ ገጹ፣ አይነቱ ሰም ወርቁ
አንዱን ጀግና ሲያረግ፣ አንዱን ማንሰቅሰቁ
።።።
እውነተኛ ወዳጅ፣ ታውቋል ገፁ መልኩ
ልውጥውጥ ይላላ፣ ነቢ ከተነኩ
።።።
ነቢዩን ለመግደል፣ ጦር ቀስታቸው ሲበር
ያኔ አቡ ዱጃና፣ ጀርባው ጋሻ ነበር
።።።
እልፍ የጦር ሰራዊት፣ እንዳሸን ቢፈላም
ኻሊድ የቆሙ ለት፣ ግን እፍኝ አይሞላም
መሀባ አደንድኖት፣
ገብቶ ሲምነሸነሽ፣ ከጦር ሜዳው መሀል
ታዲያ ከዚ ወዲያ፣ ምንድን ይገርመሃል

ሰንጋውን ኮልኩሎ፣ ቃዕቃዕ ከተነሳ
እንኳን ለበግ መንጋ፣ ያስፈራል ላንበሳ
።።።።።

መገን ፍቅሩ ገጹ፣ አይነቱ ሰም ወርቁ
አንዱን ጀግና ሲያረግ፣ አንዱን ማንሰቅሰቁ
ቢላልን ሲያላቅቅ፣ ከባርነት ቀንበር
ንጉስን ከዙፋን፣ አስወርዶም ነበር
።።።።
።።።።።
የኔን ነቢይ ስትል፣ ብትቆምም ብትወድቅም
መስዋት ስትከፍል፣ ከነፍስህ ብትርቅም
በናፍቆት ማቅቀህ፣ ብትሟሟ ብታልቅም
መውደድህ አይገርምም፣ ማፍቀርህ አይደንቅም
መዋብ ማማር ሁላ፣ ከርሱ ላይ ሲናበር
ታዲያ ያን ሙሉ ሰው፣ ላትወዳቸው ነበር
።።።።።።።።።

ሸውቁ ልጓም የለው፣ ይነፍሳል ይደርሳል
እንኳን ሹመት ዙፋን፣ ነፍስንም ያስረሳል
ወሰን ኬላ ድንበር፣ አንዳች ሳያስፈራው
በነጃሺይ ዘልቆ፣ አጀብ ስንቱን ሰራው
።።።

ሄደው ሊያዩ አልቻሉ፣ ወይ ቀርተው አልዳኑ
ሀበሻ ላይ ሆነው፣ አንተው ምን ይሁኑ
ባካል ቀርበው ኑሩን፣ ማዬት እንደጓጉ
ሸውቁ ልክ ሲያጣ፣ ንጉስ ምን ያድርጉ
።።።።።

እንኳን ገላው ርቆ፣ ቀርቦ ቢታቀፍም
ለካስ ነቢን ወዳጅ፣ መቼም ልቡ አያርፍም
የምኞት እስኪደርስ ፣ለመሶበር ከብዶ
ናፍቆት ቀደማቸው፣ ሩሃቸውን ወስዶ
።።።።።።
ጂብሪል ወደ ዘይኑ፣ መጥተው አሳወቁ
ነጃሺይ መሞቱን፣ ሳይበርድለት ሸውቁ
ሙስጦፋም በእጅጉ፣ አዝነው አለቀሱ
ከዚያም ወዳስሃቦች፣ አሏቸው ተነሱ
ወንድማችሁ ሞቷል፣ እንስገዳለን በሱ
።።።።።።

ያረሱለሏሂ
የነጃሺ አምሳል ነን፣ መታለል አናውቅም
ቃል አይደልለንም፣ መንገድኩን አንለቅም
መውደዳችን ላንቱ፣ አንቱን ስንናፍቅም
ያረሱለሏሂ
ልባችን ካንቱ ነው፣ ገላችን ቢርቅም
።።።።።።።

የሸውቅሁ ምርኮኛ ፣ሀበሻ ላይ ኗሪው
ልክ እንደነጃሺይ፣ ናፍቆ ዋዩ አዳሪው

ከወደዱ እንዲህ ነው፣ ከልብም ካንጀት
ልክ እንደ ሲዲቁ፣ ልክ እንደ ነጃሺ
ናፍቆ እስከመሞት
።።።።።።

አስሃመተ ነጃሽ፣ የውነት ሆኖ ፍቅሩ
የሰይዲን መንገድ፣ አሟልተው ቢኖሩ
አላህ ወሊይ አርጎ፣ መርጦ እንዳላቃቸው
ቆሞ ሲመስክር፣ ታይቷል ከራማቸው
።።።።።

ሙስነድን ክፈተው፣ ማስረጃን ምትሻ
የሙእሚኖች እናት፣ ትናገር ዓኢሻ
የተከሰተውን፣ ፊ አርዲል ሐበሻ

ቀን በሌት ሲተካ፣ ሲገባ ምሽቱ
ቀብራቸው ማብራቱን፣ እንደ ጨረቃይቱ
።።።።።

ታዲያ ይህ ምስክር ፣ይኼንን ከራማ
ሊሸፍን ቢሞከር ደርሶን እንዳንሰማ
የንጉሱን ገድል፣ የነጃሺን አርማ
እንኳን ሰው ሊያጠፋው፣ አልቻለም ጨለማ
።።።።።

ልፋ ብሎት እንጂ፣
እውነት በመሸሸት፣ መደርደሩ ውሸት፣
ታሪክ ሰሪ አይጠፋም፣ ታሪክ በማጠልሸት
።።።።።
ያበራል እንጂ አድሮም፣ እንደ ጀንበር ጸዳል
የነጃሺይ ገድል፣ ፍላት መች ይበርዳል

ታምርን ማዳፈን፣ ምን ቅጥፈት ቢበዛ
አደፍርሶ አያውቅም፣ ውቅያኖስን ጤዛ

ገጣሚ :- ዑስታዝ ሰዒድ አህመድ
ዜማ ሙዓዝ ሀቢብ
ቅንብር አሬንጅመንት ኑሩ ዑመር
ሚክስ እና ማስተሪንግ ሰሎሞን በላይ (ሀመር)