BStudy| Ka Jingim Ba Thymmai Pt-3| KUMBA la pynmih pat ïa U KHRIST, IAID haka JINGTHYMMAI KA JINGIM

Описание: Bible Study jong ka Balang Lumshyiap Presbyterian - Friday, 16-01-2026
Halor : Ka JINGIM kaba THYMMAI ha u KHRIST. Pt – 03
=====
KA PHANG PDENG : Namar kata keiñ, la BTEP lem ïa ngi bad U, da ka jingpynbaptis ha kata ka jingïap jong U: ba KAT KUMBA la pynmih pat ïa U KHRIST na ki baïap da ka burom ka jong U Kpa, kumta ba NGI RUH, ngin IA-IAID ha ka JINGTHYMMAI KA JINGIM.

Ki Dkhot :
=====
(a) Rom. 6 : 1 - 8
1. Aïu pat te ngin ïa-ong? Ngin ïaineh ha kata ka pop, ba kata ka jingaiei kan ïoh nang roi byllien?
2. Ym kumta, em! Ma ngi kiba la ïap ïa ka pop, kumno ngin dang ïai-im shuh ha ka?
3. Ne phim ju tip, ba kat kiba na ngi, ïa kiba la ïoh pynbaptis ha U Khrist Jisu, la pynbaptis ïa ngi keiñ, ha kata ka jingïap jong u?
4. Namar kata keiñ, la btep lem ïa ngi bad u, da ka jingpynbaptis ha kata ka jingïap jong u: ba kat kumba la pynmih pat ïa U Khrist na ki baïap, da ka burom ka jong U Kpa, kumta ba ngi ruh, ngin ïa-ïaid ha ka jingthymmai ka jingim.
5. Namar, lada la pynïabsap lem ïa ngi ha ka jingsyriem kata ka jingïap jong u, kumta ruh, ngin ïoh long ha kata ka jingsyriem ka jingmihpat jong u:
6. ba ngi da tip ïa kane, ba la sahnarphna lem bad u, ïa u briew batymmen jong ngi, ba yn da ïoh pynjot noh ïa ka met ka jong ka pop, khnang ba ngin ym long mraw shuh ha kata ka pop.
7. Namar ïa uta uba la ïap, la pyllait ksan ïa u na ka pop.
8. Te lada ngi la ïap lem bad U Khrist, ngi ngeit skhem ba ngin im ruh lem bad u
(b) Kolossai 2:12 - haba la btep lem bad u ha kata ka jingbaptis, ha kaba la pynmih lem ïa phi ruh bad u da ka jingngeit ha ka jingtrei U Blei, uba la pynmih pat ïa u na ki baïap.
(c) Galatia 2:20 - La sahnarphna ïa nga lem bad U Khrist: pynban, nga im; hynrei, ym ma nga shuh, hynrei, U Khrist keiñ u im ha nga: bad kata kaba nga im mynta ha ka doh nga im da ka jingngeit keiñ kaba ha U Khun U Blei, uba la ieit ïa nga, bad uba la aiti noh ïa lade na ka bynta jong nga.
(d) Ioannis 8 : 34, 36
34. U Jisu u la ïathuh ha ki, “Shisha, shisha nga ong ha phi, ba u briew baroh uba ïai-leh ïa ka pop u long u mraw jong ka pop;
36. Namar kata, lada U Khun un pyllait noh ïa phi, phin long kiba la lait noh da shisha.
(e) Eksodos 24 : 15-17
15. Bad u Moses u la leit kiew sha uta u lum, bad u lyoh u la tap ïa uta u lum.
16. Bad ka burom U Trai ka la neh halor u lum Sinai, uta u lyoh te u la tap ïa u, hynriew sngi: te ha ka sngi ka bahynñiew, u la khot ïa u Moses napdeng uta u lyoh.
17. Ka jingkhmih ka burom U Trai te ka la long kum ka ding kaba bam duh ha khlieh uta u lum ha khmat ki khun Israel.
(f) Salm 16 : 10 - Naba men ym iehnoh ïa ka mynsiem jong nga ha ka jaka bymïohi; lymne men ym shah ïa u bakhuid jong me ban shem ïa kaba pyut.
(g) Isaiah 53 : 10 -12
10. Pynban, U Trai u la mon ban pynlwet ïa u; u la pynkhuslai ïa u: haba men pynlong ïa ka mynsiem jong u ka jingainguh namar ka pop, un ïohi ïa la u symbai, un pynslem ïa la ki sngi, bad ka mon U Trai kan roi ha ka kti jong u.
11. Un ïohi ïa ka jingtrei shitom ka mynsiem jong u, bad yn pynhun: da la ka jingtip u shakri bahok jong nga un pynksan ïa ki babun : bad u un bah ïa ki jingbymhok jong ki.
12. Namar kata, ngan ïasam bynta ha u bad ki bakhraw, bad un ïabynta ïa ka jinglute bad ki bakhlaiñ ; namar u la theh noh ïa la ka mynsiem haduh kaba ïap, la ñiew ruh ïa u bad ki ongryngkang : pynban u la bah ïa ka pop jong kiba bun, bad u la ïasaid na ka bynta ki nongryngkang.
(h) I Korinth 15 : 20 - 22
20. Hynrei, mynta, ïa U Khrist la pynmih pat na ki baïap, bad u la jia long u soh nyngkong keiñ na kita kiba la ïohthiah noh.
21. Namar kumba da u briew la jia ka jingïap, kumta, da u briew ruh, ka jia ka jingpynmihpat ïa ki baïap.
22. Namar kumba ha u Adam baroh ki ïap noh, kumta ruh, ha U Khrist yn pynim ïa baroh.
(i) Ephesos 4 : 22 - 24
22. ba phin buh noh, shaphang kata ka jinglong jong phi kaba mynshuwa, ïa uta u briew batymmen keiñ, uba nang pyut katba kum kita ki jingikwah ka jingshukor,
23. bad ba yn pynthymmai ïa phi ha ka mynsiem ka jingmut jong phi;
24. bad ba phin kup ïa u briew bathymmai, ïa uba la pynlong ha ka dur U Blei ha ka hok bad ha ka jingkhuid ka jingshisha.

(j) Galatia 5 : 16, 24 - 25
16. Hynrei, nga ong: To ïaid da U Mynsiem, te kumta phin ym pyndep ïa ka jingkwah ka doh.
24. Te kita ki jong U Khrist ki la sahnarphna ïa ka doh lem bad ki jingsamkwah bad ki jingkwah jakhlia jong ka.
25. Lada ngi im da U Mynsiem, to ai ba ngin ïaid ruh da U Mynsiem.
(k) Ezekiel 11:19 - 20
19. Bad ngan ai ïa ki kawei ka dohnud, bad ngan BUH da ka MYNSIEM BATHYMMAI HAPOH jong PHI; bad NGAN WENG NOH ïa ki DOHNUD MAW na ka doh jong ki, bad NGAN AI KA DOHNUD DOH IA KI:
20. ba KIN DUP IAID ha ki AIN jong NGA, bad ba kin sumar ïa ki niam ki rukom jong NGA, bad ba kin leh ïa ki: TE KIN LONG U PAIDLANG JONG NGA, NAG ruh ngan LONG U BLEI JONG KI.

Nongai Bible Study : TBn H. W. Tham , Ph : 9 4 0 2 5 0 6 7 3 9
Ngi khot sngewbha ia phi ban ia shim bynta . U BLEI un Kyrkhu