أماه يافاطمة | الملا دانيال بوجبارة

Описание: [ أماه يافاطمة ]
------------
‏   • Видео  
------------
الملا |
دانيال بوجبارة

‏‎ الشاعر |
كامل السعيدي
------------
‏‎
مخطوطة - سيد حيدر البراهيم
‏‎مونتاج - مهدي حسن

------------



اماه يافاطمة
 
آنه الحسين المنفجع .. يازهره حاجيني
لا لا تعوفيني .. فگدج يأذيني
صدگيني مايسوه العمر .. يايمه من دونج
لمن يدفنونج .. ويغمضن اعيونج

دمعاتي نزلن عالوجن
دمعه بأثر دمعه
من طاحت البضعه
وهتزت السبعه
مشتعله نيران الگلب
ياهو اليطفيها
يايمه شوفيها
بيدج تخمديها

------------

يايمه مرات المحب .. لو فارگ احبابه
مايخلص اعتابه .. وينتطر غيابه
وانه ادري متعودين الي .. ويطول اغيابج
وتذكر امصابج .. من انظر البابج

سافرتي وبعيد السفر
بعُدج يعذبنه
بصوت الحزن صحنه
بعدج تيتمنه
يالمتي مكسورت ضلع
مثلج يكسروها
ضلوعي ويرضوها
ويتامي يسبوها
     
------------

من اسمع اسمج اختنگ .. بالدمعه والعبره
عشت العمر حسره .. وگليبي طگ صبره
يايمه من اشتاگ الج .. يم گبرج اتعنه
بجفوفي احضننه .. وشتم عطر منه

يازهره وجروح الگلب
بس الج اشكيها
جيتج اراويها
ونتي التداويها
من زغري عاشرني الحزن
ذاب الگلب منه
والطف اشد حزنه
بي جدي واعدنه

------------

ذبلان بستان الورد .. كل عطر ماعنده
دمع الجفه ابخده .. منه اگطعو ورده
حتى الگمر نوره انطفه .. مايسفر ابليله
عن جرحج احجيله .. يالجنتي تضويله

بوجودج اتشع الشمس
هسه الشمس ضلمه
امصيبتج عضمه
والله يايمه
متنج وخدج والظلع
شرد انسه من عدهن
بعيوني شايفهن
تأذيني قصتهن

حت .. ظل فاطمه امهاجر
گوه الگلب صابر .. ونكسر الخاطر