राष्ट्रीय विज्ञान दिन जिल्हा परिषद प्राथमिक शाळा कृष्णानगर

Описание: राष्ट्रीय विज्ञान दिन जिल्हा परिषद प्राथमिक शाळा कृष्णानगर

विज्ञान सृष्टी आली पण...
विज्ञान दृष्टी येणे महत्त्वाचे !
~~~~~~~~~ प्रशांत पोतदार
२८-०२-२०२२, सातारा

२८ फेब्रुवारी हा जागतिक विज्ञान दिन दरवर्षी साजरा करणे हे एक केवळ कर्मकांड न होता खऱ्या अर्थाने कृतीशील उपक्रम विद्यार्थ्यांना देवून विज्ञान दृष्टी निर्माण करणे गरजेचे आहे. असे प्रतिपादन म. अंनिसचे राज्य कार्यकारिणी सदस्य प्रशांत पोतदार यांनी केले.

मातोश्री विठाबाई महादेव करपे चॅरिटेबल ट्रस्ट यांच्यावतीने जि.प. शाळा , कृष्णानगर, सातारा येथे आयोजित केलेल्या विज्ञान अपूर्व मेळाव्यात "अंधश्रद्धेची दुनिया , चमत्कारांची किमया" या आगळ्या वेगळ्या सप्रयोग कार्यक्रमात ते बोलत होते. जवळपास 350 विद्यार्थी यांनी कृतिशील सहभाग घेतला.

विना वातीचा व बिना तेलाचा दिवा प्रमुख पाहुणे मा. संजय धुमाळ , गटशिक्षणाधिकारी पं. स. सातारा यांच्या हस्ते प्रज्वलित करून अनोखे उद्घाटन करण्यात आले.

भोंदू मांत्रिक , तांत्रिक , देवी अंगात आणून करत असलेल्या दैवी शक्तीने लंगर सोडवणे, नजरेने नारळ थांबवणे, जिभेतुन त्रिशूळ आरपार करणे , जळता कापूर खाणे असे विविध बहारदार चमत्कारांची प्रात्याक्षिके विद्यार्थ्यांना सहभागी करून दाखवण्यात आली व त्यामागील विज्ञान हातचलाखी समजावून देण्यात आली. यावेळी शिक्षण विस्तार अधिकारी जयश्री शिंगाडे , सुजाता जाधव जयश्री गुरव, केंद्रप्रमुख उज्वला कुलकर्णी , मुख्याध्यापक राजकुमार जाधव, उपस्थित होते.

सातारा शाखा (अंनिस) चे कार्याध्यक्ष अॅड. हौसेराव धुमाळ, भगवान रणदिवे, दशरथ रणदिवे, यांनी प्रत्यक्ष सहभाग घेतला. कार्यक्रम यशस्वीतेसाठी सुशांत गायकवाड व गजानना धुमाळ यांनी वेशेष परिश्रम घेतले.