Shije Shtëpie - Sallatë me thjerrëza, arra dhe djathë nga Znj. Vjollca - Tv Klan

Описание: #ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.

100 gr thjerrëza
2 gjethe dafine
2 degë selino
80 gr arra
2 lgj mjaltë
Pak spec pikant (të copëtuar)
Pak kurkuma
Pak kripë
1 lgj ujë
1 tufë e vogël sallatë marule
2 degë nenexhik i freskët
Pak borzilok
1 tufë majdanoz
100 gr djathë i bardhë
Salca e marinimit
3 lgj uthull
1 lk mjaltë
4 lgj vaj ulliri
Kripë

Fillimisht ngrohim furrën në temperaturë 180 gradë. Thjerrëzat, pasi i kemi lënë në ujë 6 orë më parë i shpëlajmë mirë me ujë të bollshëm disa herë e më pas i vendosim në një tenxhere me ujë ku do të shtojmë 2 degë selino, 2 gjethe dafine dhe i lëmë të ziejnë në temperaturë mesatare pa kapak për 20 min.

Ndërkohë në një tas do të përgatisim marinimin e arrave që do të pjekim. Shtojmë në pjatë 2 lugë gjelle mjaltë, pak spec djegës të copëtuar, kurkuma dhe pak kripë. Shtojmë një lugë ujë, deri sa të na formohet një salcë e trashë me të cilën përziejmë arrat deri sa ato të vishen mirë me këtë pastë. Më pas i vendosim në një tavë ku kemi shtruar letër pjekje dhe i pjekim në furrë për 10-15 minuta duke i trazuar herë pas here që të marrin ngjyrën e duhur.

Kullojmë thjerrëzat, heqim dafinën dhe i lëmë në tenxhere të ngrohta. Në një tas vendosim uthullën, pak mjaltë, vaj ulliri, kripë dhe piper të zi. I përziejmë mirë dhe marinojmë thjerrëzat. Shtojmë si bazë në një pjatë sallatën jeshile. Grijmë nenexhik, borzilok dhe majdanoz dhe i shtojmë në tenxheren me thjerrëza. Thjerrëzat e përziera i shtojmë mbi sallatë jeshile. Shtojmë arrat dhe pak djathë të bardhë në fund.

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/ #Receta#ZonjaVjollca#KaterinaTrungu